Тулгар төрийн 2230, 2231, Их Монгол Улс байгуулагдсаны 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ой, Үндэсний их баяр наадмын хүчит 1024 бөхийн барилдааны дөрвийн даваа дууслаа.

                  Дөрвийн даваанд нэг улсын арслан, дөрвөн гарди, хоёр заан өвдөг шороодож, олон аймгийн цолтон начны даваанд шалгарч үлдэв. Уншигч та бүхэнд тав давж, улсын цолонд хүрэх магадлалтай аймгийн арслан, заан цолтнуудыг танилцуулж байна.

Аймгийн арслан О.Цэцэнцэнгэл

• Хэнтий аймгийн Баянхутаг сумын уугуул, аймгийн арслан О.Цэцэнцэнгэл. Тэрбээр жүдо бөхийн ОУХМ улсын хэмжээний начин, жүдо бөхийн ОУХМ Б.Одхүүгийн ууган хүү юм. Аймгийн арслан О.Цэцэнцэнгэл улсын заан Б.Соронзонболдоор дөрөв давсан.

Аймгийн арслан Т.Сайханжаргал

• Говь-Алтай аймгийн Дэлгэр сумын уугуул, аймгийн арслан Т.Сайханжаргал. Тэрбээр дөрвийн даваанд улсын харцага Б.Одгэрэлийг өвдөг шороодуулсан.

Аймгийн арслан Х.Оргилболд

• Увс аймгийн Тэс сумын харьяат, аймгийн арслан Х.Оргилболд. Тэрбээр улсын начин Б.Амарзаяагаар дөрөв давсан юм.

Аймгийн арслан Ц.Төмөрцоож

• Ховд аймгийн Мөст сумын харьяат, аймгийн арслан Ц.Төмөрцоож.

Аймгийн заан Э.Батмагнай

• Баянхонгор аймгийн харьяат, аймгийн заан Э.Батмагнай. Улсын гарди М.Бадарчаар дөрвөн давсан.

Аймгийн заан Э.Энх-Амгалан

• Булган аймгийн Могол сумын харьяат, аймгийн заан Э.Энх-Амгалан. Тэрбээр дөрвийн даваанд улсын заан Б.Батмөнхийг өвдөг шороодуулсан.

Аймгийн заан О.Түмэн

• “Увс нуур” дэвжээний бөх, аймгийн заан О.Түмэн. Тэрбээр дөрвөн даваанд улсын заан О.Пүрэвсайханыг өвдөг шороодуулсан. Мөн аймгийн заан О.Түмэн 2020 оны наадмын сорилго барилдаанд түрүүлж байсан юм.

Аймгийн заан Б.Түвшинтөгс

• Булган аймгийн Хишиг-Өндөр сумын харьяат, аймгийн заан Бямбадоржийн Түвшинтөгс. Тэрбээр улсын гарди Ж.Бат-Эрдэнээр дөрөв давсан юм.

Аймгийн заан Ц.Бямба-Отгон

• Өвөрхангай аймгийн Төгрөг сумын харьяат, аймгийн заан Цэдэнсодномын Бямба-Отгон. Тэрбээр дөрвөн даваанд улсын гарди Ш.Жаргалсайханыг өвдөг шороодуулсан юм.