Тулгар төрийн 2230, 2231, Их Монгол Улс байгуулагдсаны 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ойн баяр наадамд зориулсан улс, аймгийн цолтой хүчит 1024 бөхийн барилдааны нэгийн даваа үргэлжилж байна.

Нэгийн даваанд сар шинийн баярт зориулсан хүчит бөхийн барилдаанд таамаг эвдэн түрүүлсэн аймгийн заан Э.Мөнхжаргал аймгийн начин С.Пүрэв-Очирт өвдөг шороодлоо.

                        Аймгийн начин С.Пүрэв-Очир нь Дорноговь аймгийн Даланжаргалан сумын харьяат. Тэрбээр ХХЕГ-ын “Хилчин” спорт хороо, 0303 дугаар ангийн бөх юм. Мөн аймгийн начин С.Пүрэв-Очир нь байлдааны самбо бөхөөр улсын аварга болж байжээ.