Жүдо бөхийн дэлхийн цуврал тэмцээн болох "Унгарын их дуулга" Будапешт хотод өнөөдөр энэ сарын 8-ны өдөр эхэлсэн билээ. Тус тэмцээний эхний өдрийн таван жинд манай улсаас есөн бөх зодоглосноос гурав нь хүрэл медалийн төлөө барилдлаа. Эмэгтэйчүүдийн хамгийн хөнгөн жин буюу -48 кг жинд барилдсан Б.Баасанхүү Хятадын Гуо Зон Интэй 12 минут барилдаж торгуулиар ялснаар хүрэл медаль хүртжээ. Мөн тус жинд барилдсан Г.Наранцэцэг  хүрэл медалийн төлөө Испанийн Мирела Лапуэрта Комаст ялагдаж тавдугаар байр эзлэсэн байна.