Энэ жил илүү өнгөлөг өнгөнүүд загварын чиг хандлагыг тодорхойлоод байна. Намар гэхээр л шаргал, хүрэн, бор зэрэг завсрын өнгөнүүд санаанд ордог шүү дээ.   Ингээд 2022 оны намар өвлийн коллекциудад хамгийн түгээмэл ажиглагдсан таван өнгөний трендийг танилцуулж байна

            Нил ягаан өнгийн зузаан хувцас

     Намрын хувцасны сонголтдоо зөөлөн, тайван байдлыг илтгэх нил ягаан өнгийг сонгоорой. Энэхүү эерэг уур амьсгал бэлэглэх өнгийг Jil Sander, Isabel Marant, Ienki Ienki, Bottega Veneta брэндүүд шинэ цуглуулгууддаа онцолсон юм.

                  Далайн давалгаа мэт гүн цэнхэр өнгө

    Цэнхэр өнгө нь тод юм шиг хэрнээ бусад өнгөнүүдтэй маш сайн хоршиж чаддагаараа онцлог. Тухайлбал бэйж, бор саарал, хар цагаан зэрэг завсрын өнгөнүүдтэй гайхалтай зохицдог. Дэлхийн алдарт брэндүүд гүн цэнхэр дэгжин загвар, сонирхолтой хийцийг санал болгоод байна.

                 Барби мэт тод ягаан өнгө

      Эмэгтэйлэг, ялдам байдлыг илтгэх цаанаа л нэг донжтой уг өнгийг та энэ намар шүүгээнийхээ нэгэн хэсэг болгоорой. Сүүлийн үед дэлхийн томоохон брэндүүд болон алдартнуудын их хамгийн дурлаад байгаа өнгө бол барби ягаан өнгө гэхэд хилсдэхгүй.

                      Гялалзсан өнгө

   Энэ намрын бас нэгэн онцлох тренд бол гялтгар материалтай хувцаснууд байлаа. Хэдий өнгө биш ч гэсэн уг гэрэлтсэн, гялтгар трендийг дурдахгүй өнгөрөх аргагүй юм. 2022 оны намар өвлийн маш олон загварын тайзан дээр энэ тренд ажиглагдсан бөгөөд мөнгөлөг,алтлаг, бүдэг саарал зэрэг завсрын өнгө зонхилсон байв. Та бүхэн зөвхөн баяраар биш, өдөр тутамдаа гялтгар хувцсаар гоёоорой.

              Ногоон болон тод шар өнгө

   Сэрүү татсан өдрүүд хаяанд ирсэн тул аль болох допамин ялгаруулах тод өнгийн хувцас сонгоорой. Ялангуяа тод ногоон болон мариголд цэцгийн тод шар өнгө төрхийг тань сонирхолтой харагдуулж, өөртөө итгэлтэй байдлыг тань нэмэгдүүлнэ.