Билли Айлиш бол орчин үеийн загварын ертөнцөд өөрийн гэсэн байр суурийг тавиад амжсан нэгэн. Тэрбээр ямар нэгэн хэлбэрт баригдахгүйгээр өөрийн гэсэн имижийг бий болгодог төдийгүй улаан хивсний ёслолд оролцох үедээ өмссөн хувцаснууд нь олны анхаарлын төвд орж тухайн жилийн тренд болох нь ч бий.

Тэрбээр 2019 онд "Calvin Klein"-ий сурталчилгааны үеэр өөрийн биеэ тэр бүр ил гаргахыг  хүсдэггүй тул том хэмжээтэй хувцас өмсдөг гэсэн бөгөөд “Би нууцлаг байхыг хүсдэг” хэмээн хэд хэдэн нэвтрүүлэгт яриа өгсөн. Түүний одоог хүртэл өмсөж буй хамгийн загварлаг хувцаслалтуудыг хүргэе.

2019 оны Парисын загварын долоо хоногийн үеэрх Айлишийн дүр төрх.

2019 оны "iHeart Radio Music Awards" шагнал гардуулах ёслолын үеэр тэрбээр сонгодог загварын хар хослол дээр хүүхэлдэйн киноны  дүрийг дүрсэлжээ. SlumpyKev бол Нью-Йоркт амьдардаг, гар аргаар хүүхэлдэйн киноны хувцас урладаг загвар зохион бүтээгч юм.

Айлиш 2019 оны гуравдугаар сард цомгийнхоо нээлтэд зориулан толгойноос хөл хүртлээ "Louis Vuitton"-ээр гоёсон  бөгөөд франц дизайнерын урласан нүүрний маск зүүсэн байв.

“2019 ASCAP Pop Music Awards” дээр тэр дахин уран бүтээлч SlumpyKev-т ханджээ. Тэрбээр "Powerpuff Girls"-ийн зурагтай хантааз болон өмд өмссөн байв.

Эйлиш 2019 оны “UNICEF Masquerade Ball”-д оролцох үеэрээ гоёмсог нүүрний маск зүүж олны анхаарлыг татсан юм. Тэрбээр хар өнгийн, гялалзсан даашинз өмссөн бөгөөд гавлын ясны хэлбэртэй шигтгээт футболк, хадаастай платформ гутал өмсөж хүрэлцэн иржээ.

Айлиш 2019 оны “LACMA Art and Film Gala” дээр Gucci-ийн гоёмсог унтлагын хувцасны загвараар урласан хослолоор гоёсон. 2019 оны Америкийн хөгжмийн наадмын шагнал гардуулах ёслолын үеэр дуучин  "Burberry" иж бүрдлийг өмсчээ.

Тэрээр 2019 оны "Variety"-ийн "Hitmakers Brunch"-д буйдангийн бүрээстэй төстэй гэмээр бор шаргал цэцэгтэй хослолыг  "Gucci" шаахайн хамт сонгожээ. Айлиш “2019 Billboard Women in Music” наадамд  "Prada" брендийн хүрэм, шорт, пүүз өмссөн байв. 2020 оны Грэммийн шагнал гардуулах ёслолын үеэр Айлиш үс болон хувцаслалтаа бүхэлд нь хар, ногоон өнгөөр хослуулжээ.