“Монгол цэргийн баяр”-ын мэндийг "Эргэлт.мн"-ын хамт олноос уншигчдадаа хүргэж байна. Энэ өдрийг тохиолдуулан  үзэхэд тохиромжтой, дайны хор уршиг болон сэтгэл өвтгөм түүхийг хүүрнэх 10 киног нэрлэж байна.

1.1917 (2019)

Английн найруулагч Сэм Мендес өвөөгийнхөө ярьж өгсөн бодит түүхээс сэдэвлэн бүтээсэн кино билээ. 1917 онд дэлхийн I дайны үед Английн хоёр цэрэг бүхэл бүтэн хороо цэргийн амийг аврах яаралтай захидал хүргэх даалгавар авна. Уг кинонд нэг л өдрийн үйл явдал гарах ч дүрийн өсөлтийг гаргаж ирсэн гайхалтай бүтээл билээ.

Эшлэл: Энэ дайныг зогсоох ганц л арга бий. Сүүлийн цэрэг зогсож байх ёстой.

2. Grave of the Fireflies (1988)

Аав нь дайнд явж, гэр нь бөмбөгдүүлснээр гэр бүлээ алдсан ах дүү хоёрын амьдралын тухай уянгалаг өгүүлсэн билээ. Дайн бидэнд юу өгсөн, яагаад бид дайны эсрэг тэмцэх ёстойг мэдрүүлсэн бүтээл билээ.

Эшлэл: Яагаад гэрэлт цох ийм хурдан үхэх ёстой юм бэ?

3. Тэд эх орныхоо төлөө тулалдсан юм- Они Сражались за родину (1975)

М.Шолоховын ижил нэртэй бүтээлээс сэдэвлэн Сергей Бондарчукийн бүтээсэн ба Зөвлөлтийн хамгийн шилдэг дайны киногоор зүй ёсоор нэрлэгддэг билээ.  

Уг кинонд туйлтлаа ядарсан Зөвлөлтийн цэргүүд Сталинградад хүрэх замыг хэрхэн хамгаалж, хэдэн өдрийн турш ширүүн тулалдаж, тасралтгүй бөмбөгдөлт, танкийн дайралтад асар их хохирол амсаж буй тухай өгүүлнэ.

4. Токиогийн дээгүүр 30 секунд- Thirty second over Tokyo (1944)

Бодит явдлаас сэдэвлэн бүтээсэн дайны хор уршгийн тухай өгүүлэх бүтээл билээ. Тед ирээдүйн эхнэрээ орхин, Япон улсыг бөмбөгдөх ажилд сайн дураар явснаар кино эхэлнэ.

Эшлэл: Би бага байхдаа завиас хаашаа ч хамаагүй аялахыг хүсдэг байлаа. Одоо хүсэл минь биеллээ.

5. Унтлагын хувцастай хүү-The Boy in the Striped Pajamas (2008)

Дэлхийн II дайны үйл явдлыг бага насны хоёр хүүгээр үзүүлсэн хүчтэй бүтээл билээ. Нацист болон Еврей үндэстэй хоёр хүүгийн хашааны хоёр талаас уулзаж, ярилцаж үерхэнэ. Зөвхөн дайн ч бус хүмүүсийн харилцаа болон үзэл суртал гэдэг хэр аймшигтай бүтээл болохыг харуулсан билээ.

Эшлэл: Хөгжилтэй юм. Хүмүүсийн хүсэж байгаа зүйл том болоод яаж өөрчлөгддөг байна вэ?

6. Төгөлдөр хуурч- The Pianist (2002)

Еврей авьяаслаг хөгжимчин дайны улмаас гэрийнхнээсээ ганцаараа үлдэн амьд үлдэхийн төлөө тэмцэж буйг харуулсан бүтээл билээ.

Эшлэл: Бид бүгдэд асуудал бий. Бид түүндээ дасдаг.

7. Үүрээр энд чимээгүй- А зори здесь тихие (1972)

Ижил нэрт романаас сэдэвлэсэн Дэлхийн II дайны үед эмэгтэй цэргийн хороо хэрхэн Герман цэргүүдтэй тулалдаж, эх орныхоо төлөө амь насаараа тэмцэж буй тухай өгүүлнэ.

8. Амьдрал гайхалтай –Life if Beautiful (1997)

Дэлхийн II дайнд Еврей гаралтайгаасаа болж шоронд хоригдож буй аав хүү хоёрын түүх билээ. Амьдрал хичнээн хэцүү байсан ч хүүдээ амьдралын амтыг мэдрүүлэхийг хүснэ.

Эшлэл: Чамд хичнээн их дурлаж байгааг минь чи төсөөлөгчгүй.

9. 71-р шугам -71: Into the Fire (2010)

Дэлхийн II дайны үед цэргийн хүч дутсанаас өсвөр насны хүүхдүүдийн нэг хороог байгуулна. Тэднээс дайсан хол гэсэн ч дайсан ирэх цагт тэмцэх хэрэгтэй болно.

Эшлэл: Эр зориг бүхнийг өөрчилнө.

10. Дюнкерк- Dunkirk (2017)

1940 онд Дюнкерк болсон тулааны тухай өгүүлэх холбоотон гурван орны цэргийн тухай өгүүлсэн кино билээ. Уг бүтээл гарсан жилдээ Оскарын гурван шагнал хүртэж байжээ.

Эшлэл: Чи юу харж байн вэ?

Гэр