Улаанбаатар кино наадмын шилдгээр "Этгээд" кино шалгарлаа

2022-10-20, 437

Улаанбаатар кино наадмын шилдэг киногоор "Этгээд" кино шалгарчээ. Киноны үйл явдал нь Эрхэмээ, Сэлэнгэ хоёр хотоос зайдуу, ой модон дундах хуучны байшинд нүүн ирснээр өрнөж эхэлнэ. Уран бүтээлч эхнэртээ орон зай өгч, амар тайвныг эрэлхийлж ирсэн Эрхэмээгийн байр байдал нь тэдний шинэхэн хөршид хачирхалтай санагдана. Тэндхийн хэт нам гүм байдал, нүүж ирснээс хойш ээрэх болсон муу ёрын зүүд Сэлэнгийн ааш авирт нөлөөлж, байдал улам хурцадна. Өдөр тутам тохиолдох “Этгээд” явдлуудын учир шалтгаан юунд байгаа талаар кинонд тусгажээ.

Энэхүү киноны найруулагчаар Б.Баатар ажилласан байна. Тус киноны зохиолыг О.Эрдэнэ, Г.Бямбасүрэн нар бичжээ. Мөн “Этгээд” кино нь 2022 оны Олденбургийн олон улсын кино наадмын “Хамгийн өвөрмөц, зоримог кино”, 2022 оны зураглаачдын "Алмаз" наадмын "Шилдгийн шилдэг кино" зэрэг шагналыг хүртээд байна.

Улаанбаатар кино наадмын шилдгээр "Этгээд" кино шалгарлаа

Шинэ мэдээ

Нийтлэлчид