Америкийн жүжигчин Женнифер Лоуренс нь 1990 оны наймдугаар сарын 15-нд төрсөн. Тэрбээр 2015 болон 2016 онд дэлхийн хамгийн өндөр орлоготой эмэгтэй жүжигчнээр нэрлэгдэж байсан юм. Мөн түүний тоглосон кино өнөөг хүртэл дэлхий даяар зургаан тэрбум гаруй ам.долларын ашиг олсон байна. Хамгийн анх "Цэцэрлэгийн үдэшлэг" кинонд туслах дүр бүтээж байсан. Ингээд алдарт жүжигчний дүрээ мөнхөлсөн таван киног уншигч танд танилцуулж байна.

  1. PASSENGERS 

      Тус киноны үйл явдал цоо шинэ гараг руу аялж яваа 5,000 зорчигчидтой сансрын хөлөг дээр өрнөдөг. Хүн төрөлхтөн шинэ гараг дээр амьдрах хэрэгтэй болох бөгөөд аялалын явцад хиймэл нойронд автана. Гэтэл алдаа гарч хоёр хүн хүрэх газраасаа 90 жилийн өмнө сэрж сансарын хөлөгт үлдсэн амьдралаа өнгөрөөх болдог.

  2.The Hunger Games 

     Тус киноны үйл явдал дарангуйллын системтэй Панем хэмээх улсад өрнөдөг. Тус улсын эрх баригчид улсынхаа 12 бүсээс 12-18 насны эрэгтэй, эмэгтэй хоёр хүүхдийг сонгон жил бүр "Өлсгөлөн тулаан" гэх харгис тэмцээнд оролцуулна. Тулаанд оролцож буй хүүхдүүд янз бүрийн хэрцгий сорилт, даалгавруудыг биелүүлэх хэрэгтэй болдог. Бие биенээ хөнөөж, өөрөө амьд үлдэн, ялагч болох нь тэдний хамгийн гол даалгавар байх болно.

3.DON'T LOOK UP 

   Энэ кинонд хэний ч танихгүй хоёр одон орон судлаач дэлхийг сүйрүүлэх гэж буй сүүлт одны тухай сэрэмжлүүлэхийг оролдоно. Тэд "дээшээ хар" гэнэ. Харин Засгийн газар "дээш бүү хар" гэнэ. Учир нь үнэн тэнд бий. Эрх мэдэлтнүүд, тэрбумтнууд бүх зүйлийг хийх нөөц, боломж, технологитой байсан ч илүү их хөрөнгө олохын тулд манай гаригийн 7.9 тэрбум хүний амийг ч золионд гаргахад бэлэн байгаа талаар гарна. Бидний хэрэглэдэг сошиал медиа хүний тархинд допамины агууламжийг ихэсгэж, хэнд ч хэрэггүй цуурхал мэдээллүүд л орчин үеийн хит мэдээнүүд болж байгаа тухай киноноос үргэлжлүүлэн үзээрэй.

4. WINTER'S BONE

    Энэхүү кинонд эмэгтэй хүний сэтгэлийн хат, нарийн мэдрэмжийг илтгэсэн өөр нэг кино олон шүүмжлэгчийн шилдэг 10 жагсаалтад багтсан нь 17 настай Ри охины түүх юм. Америкийн зэрлэг зэлүүд нутагт сэтгэцийн өвчтэй эх, хоёр дүүгээ асардаг ядруу ч зоримог, тэвчээртэй Ри Долли (Женифер Лоурэнс) дүн өвлөөр хөрөнгө байшингаа авч үлдэхийн тулд охин шоронгоос дөнгөж суллагдсан эцгийнхээ эрэлд гардаг. Учир нь гэр бүлээ орхиод олон жил болсон аав нь эрх чөлөөтэй болохдоо байшингаа барьцаанд тавьчихжээ.

5. Red Sparrow 

 Энэ кинонд гэмтэл авч бүжигчний карьераа дуусгаж байгаа балетчин бүсгүй тусгай тагнуулчдыг бэлтгэдэг сургуульд элсэн орж, АНУ-ын тусгай агент Натаниэль Нэшийн толгойг эргүүлж, жинхэнэ төрхийг нь илчлэх хүнд даалгавар хүлээн авна. Гэвч тэдний хооронд жинхэнэ хайр дурлалын харилцаа үүссэнээр үйл явдал бүр ч адармаатай болно. Жейсон Мэттьюсийн 2013 онд бичсэн ижил нэртэй адал явдалт номоос сэдэвлэсэн энэхүү кинонд Женнифер Лоуренсоос гадна Жоэл Эдгертон, Жереми Айронс, Шарлотта Рэмплинг нар тоглосон байна.