-Монгол Улсын Ерөнхийлөгч болохоор зэхэж буй хүн улс орныхоо эсрэг ийм үйлдэл гаргах гэж дээ-

      Коронавирусийн халдварыг улстөрчид орон нутагт тараагаад яваа юм биш үү. Вакцины хоёр дах тунгаа хийлгээгүй иргэдийг орон нутаг руу зорчуулах нь бүү хэл цайны газар, томоохон хүнсний дэлгүүрээр үйлчлүүлэхийг хүртэл хориглосон. Гэтэл Ерөнхийлөгчийн сонгуульд ХҮН-аас нэр дэвшиж буй Д.Энхбат, эхнэрийнхээ хамт хоёр дах тунгаа хийлгэлгүй, орон нутгийн иргэдтэй уулзжээ. Тэр бүү хэл дураараа зорчиж, олон нийтэд халдвар тараагч боллоо. Учир нь, өчигдөр түүний болон эхнэр, эмчийнх нь шинжилгээний хариу эерэг гарч, тусгаарлагджээ. Тэрбээр энэ талаараа сошиал хуудастаа “Эхнэр бид хоёр болон хамгаалалтын ажилтан, эмчээс халдвар илэрлээ. Одоогийн байдлаар шинж тэмдэг илрээгүй, тусгаарлагдаж байна. Бид “Синофарм” вакцины эхний тунг тариулсан байсан. Хоёр дах тун нь олон нислэгийн өмнө таарч байсан учир хямралаас сэргийлж, хойшлуулаад байсан юм" гэж бичжээ.

      Өөрөө хэлбэл, тэр вакцины хариу урвал илэрч магадгүй хэмээн сэрэмжилж, хоёр дах тунгаа тариулаагүй гэсэн үг. Монгол Улсын Ерөнхийлөгч болохоор зэхэж буй хүн улс орныхоо эсрэг ийм үйлдэл гаргах гэж дээ. Иргэдийнхээ амь насанд заналхийлж, цар тахлыг цахилгаан мэт тархах үйлдэл гаргах гэж дээ. Арай ч дээ, нэр дэвшигч Д.Энхбат аа.

    Тэр халдвар тээгч, тараагч болсноо хэнэггүй зарлаж, вакциндаа хамрагдаагүй гэдгээ мэдэгдэж, иргэдийг басамжилж байна. Вакцинд хамрагдаагүй хүн битгий хэл нохой ч явуулахгүй мэт сүржигнэж байгаа УОК-ын шийдвэр улстөрчдөд хамаагүй юм уу, С.Амарсайхан дарга аа.

     Иргэдийнхээ эрүүл мэнд, амь насыг хариуцаж, төрийн шийдвэрийг баримталж ажиллах ёстой аймгийн Онцгой комиссын дарга нар юу хийж байна вэ. Вакцинд хамрагдаагүй хүмүүсийг яагаад орон нутаг руу нэвтрүүлж байгаа юм бэ.

      Төрийн шийдвэрийг баримталж ажиллах ёстой аймгийн Онцгой комиссын дарга нар юу хийж байна вэ. Вакцинд хамрагдаагүй хүмүүсийг яагаад орон нутаг руу нэвтрүүлж байгаа юм бэ. Монгол Улсын Ерөнхийлөгчийн сонгуулийн сурталчилгаа эхлээд 12 хонож байна. Өнгөрсөн хугацаанд ХҮН-аас нэр дэвшигч Д.Энхбат Дархан-Уул, Сэлэнгэ, Орхон, Өвөрхангай, Хэнтий, Дорнод Архангай, Өмнөговь, Дундговь, Баян-Өлгий, Завхан, Увс, Ховд, Говь-Алтай, Хөвсгөл, Баянхонгор зэрэг аймгаар зочилж, өөрийгөө сурталчлан, хэдэн мянга хүнтэй тэврэлдэж, үнсэлцэх нь холгүй явжээ. Вакциндаа бүрэн хамрагдаагүй, хариуцлагагүй байдлаар өөрийгөө сурталчилсан, сурталчилгаанд оролцож буй улс төрийн нөлөө бүхий хүмүүсийг орон нутаг руугаа нэвтрүүлсэн аймгийн Засаг дарга нарт хариуцлага тооц С.Амарсайхан дарга аа. Нэр дэвшигчид орон нутгийн ногоон бүсийг улаан болгох эрсдэл үүслээ шүү дээ, аймгийн Засаг дарга нар аа, юу бодож сууна вэ. Үүнчлэн улстөрчид дураараа дургиж, эрх мэдэл, албан тушаалын төлөө монголын ард түмнийг “доромжилж” үл тоож байгаа нь тун ч харамсалтай байна шүү.