Эрүүл мэндийн сайд асан Т.Мөнхсайхан МАН-ын дарга У.Хүрэлсүхийн Эрүүл мэндийн бодлогын зөвлөхөөр томилогджээ.

Энэ талаар сайд асан Т.Мөнхсайханаас тодруулахад “МАН-ын даргын Эрүүл мэндийн бодлогын зөвлөхөөр томилогдсон үнэн. Одоогоор би Гэмтэл согог судлалын үндэсний төвд өвдөг, түнхний хиймэл үе шилжүүлэн суулгах мэс заслаас гадна өвдөг, мөрний дурангийн мэс засал хийж, зөвлөх эмчээр ажиллаж байгаа. Зөвлөх болсон ч эмчийн ажлаа үргэлжлүүлэн хийнэ” гэв. Түүний хувьд энэ төрлийн хагалгааг 10 гаруй жил хийж байгаа аж.

Зургаан сар эрүүл мэндийн салбарыг удирдаж, коронавирусийн халдвартай тэмцсэн Т.Мөнхсайхан  өдгөө Эрүүл мэндийн яамыг цар тахлын эмчилгээний заавар, тактикаа өөрчлөх хэрэгтэйг зөвлөв.