НИТХ-ын ээлжит бус хуралдаан үргэлжилж байна. Тус хуралдаанаар нийслэлийн 2025 оны төсвийн төслийг хэлэлцэж байна. Хуралдааны  үеэр 2024 оны арванхоёрдугаар сарын 31-ний өдөр Сүхбаатарын талбайд зохион байгуулах шинэ жилийн цэнгүүнд зарцуулах 400 сая төгрөгийг хэмнэх нь зүйтэй гэсэн саналтай төлөөлөгч олон байлаа. Нийслэл дэх Төрийн аудитын газрын дэд дарга Ч.Болд “Талбай дээр жил жил бүр зохион байгуулдаг шинэ жилийн цэнгүүнд зарцуулагддаг 400 сая төгрөг бол үр ашиггүй байдаг. Тиймээс тус мөнгийг хэмнэх боломжтой гэж үзлээ” гэв. НИТХ тэдний байр суурийг хүлээж авбал энэ жилээс төв талбайд шинэ жилийн цэнгүүн болохгүй юм.