Хотын даргад хэн зөвлөдөг вэ

Автозамын татварыг нэмье.

Бетонон бордюрыг гантиг болгож өөрчлөх нь зүйтэй, хотын өнгө үзэмжинд сайн.

Түгжрэлийн гол буруутан нь хөгшин онтой, буруу хүрдтэй автомашин учир хотоос гаргая.

Улсын дугаар олгохгүй байя.

Орон нутгийн дугаартай автомашинаас хоног тутам мөнгө хураая...

“Ер нь л хураая, татварыг нь нэмье, халаасыг нь сэгсэр, татварыг нь нэм” гэсэн уриа лоозон шахуу үйлдлүүд Хотын удирдлагуудаас гарах боллоо. Давс мэт шорвог шийдвэрүүд нь юм уу, хорт утаанд хордсон иргэдээ нэмж “хорлоод” байгаа үйлдлүүд нь юм уу, бүү мэд. Ямартай ч хотын иргэд хотод амьдарч байгаагийнхаа төлөө эд хөрөнгөө хураалгаж, олсон хэдэн төгрөгөө татварын сан руу тушааж, үлдсэн хэдээрээ торгуулаад дуусах бололтой ийм цаг үе үргэлжилж байна.

Тэгвэл бид Хотод даргад хэн зөвлөдөг вэ гэдгийг танилцуулж байна. Хотын дарга Х.Нямбаатарт есөн хүн зөвлөж ажилладаг юм байна. Үүнээс нь дөрвийг нь тодотгож танилцуулж байна. Ингэхдээ бид хотын даргын тэрбумтан зөвлөхүүдийг эхний ээлжинд үзэгч танд танилцуулахаар бэлтгэлээ.

1. Шинжлэх ухаан, технологи хариуцсан зөвлөх М.Найданхүү- 4.2 тэрбум төгрөгийн хөрөнгөтэй

УИХ-ын сонгуульд МАН-аас жагсаалтаар нэр дэвшиж, өвдөг шороодсон. 2024 оны хоёрдугаар сараас Нийслэлийн Засаг дарга бөгөөд Улаанбаатар хотын Захирагчийн Шинжлэх ухаан, технологи хариуцсан зөвлөхөөр ажиллаж байгаа.

Түүний хувьд жилийн нийт орлого нь 192 сая төгрөг, гэр бүлийн орлого нь 295 сая төгрөг гэж мэдүүлжээ. Харин 3.2 тэрбум төгрөгийн үнэлгээтэй амины орон сууц, хашаа, байшинтай, 67 сая төгрөгөөр үнэлэгдэх “Приус” маркийн автомашинтай. Мөн үүнээс гадна 80 сая төгрөгийн үнэт эдлэлтэй, гадаад, дотоодын банкинд 303 сая төгрөгийн хадгаламжтай, Норвеги Улсын банкнаас 384 сая төгрөгийн зээл авсан гэж хөрөнгө орлогоо мэдүүлжээ.

2. Хөрөнгө оруулалт, эдийн засгийн асуудал хариуцсан зөвлөх З.Батырбек- 2.1 тэрбум төгрөгийн хөрөнгөтэй

УИХ-ын сонгуульд Баян-Өлгий аймагт МАН-аас нэр дэвшиж, өвдөг шороодсон. З.Батырбекийн хувьд Хөгжлийн банкны газрын захирлаар ажиллаж байсан бөгөөд 2024 оноос хойш Хотын даргын Хөрөнгө оруулалт, эдийн засгийн асуудал хариуцсан зөвлөхөөр ажиллаж байна.

З.Батырбекийн жилийн орлого нь 145 сая төгрөг, гэр бүлийн орлого нь 152 сая төгрөг гэж мэдүүлжээ. Харин 768 сая төгрөгөөр үнэлэгдэх хоёр орон сууц, нэг хашаа байшин, авто гарааштай. Тэрбээр 663 сая төгрөгийн үнэлгээтэй дөрвөн автомашинтай. 25 сая төгрөгийн үнэтэй 15 үхэр, 15 адуутай бөгөөд эзэмших эрхийн хоёр газраа 16 сая төгрөгөөр үнэлжээ. 20 сая төгрөгийн үнэт эдлэл, 16 сая төгрөгийн хадгаламжтай гэнэ. Бусдаас авах авлага нь 347 сая бол арилжааны банкнуудаас 146 сая төгрөгийн зээл авчээ. “Мирэйкл медикал консалтинг” ХХК, “Асима глобал” ХХК, “Премьер капитал” ХХК, “Нуртау” ХХК, “Бид монгол экспресс” ХХК, “Топпирамед” ХХК, “Эйр дрон солюшн” ХХК-ийнэ хувьцаа эзэмшигч.

3. Санхүү, дэд бүтцийн хөрөнгө оруулалт хариуцсан зөвлөх Ч.Батзориг- 2.1 тэрбум төгрөгийн хөрөнгөтэй

         НИТХ-д Баянзүрх дүүрэгт нэр дэвшиж, сонгогдсон. Авто замын түгжрэл бууруулах нэгдсэн төсөл хэрэгжүүлэх нэгжийн захирлаар нэг жилийн хугацаанд ажилласан. 2024 оноос Нийслэлийн Засаг даргын Санхүү, дэд бүтцийн хөрөнгө оруулалт хариуцсан зөвлөхөөр ажиллаж байгаа.

Ч.Батзоригийн жилийн орлого нь 69 сая төгрөг, гэр бүлийн орлого нь 0 төгрөг. Тэрбээр 1.5 тэрбум төгрөгөөр үнэлэгдэх хоёр орон сууц, нэг зуслангийн байшинтай. “Nissan, Patrol” загварын 319 төгрөгийн үнэтэй автомашинтай. 40 сая төгрөгийн эзэмших эрхийн хоёр газар, 80 сая төгрөгийн үнэт эдлэл, 40 сая төгрөгийн хадгаламжтай. Тусгай зөврөөшөл, компанийн аль аль нь байхгүй гэж мэдүүлжээ. 

4. Нийслэлийн Засаг даргын Хүний хөгжил, нийгмийн бодлогын асуудал хариуцсан орлогч Ш.Анхмаа- 1.5 тэрбум төгрөгийн хөрөнгөтэй

          Шижирбаатарын Анхмаагийн жилийн орлого 69.7 сая төгрөг, гэр бүлийн орлого нь 130 сая төгрөг гэж мэдүүлжээ. Харин 1.1 тэрбум төгрөгөөр үнэлэгдэх гурван орон сууцтай, 37.5 сая төгрөгийн үнэлгээтэй нэг автомашинтай. 110 сая төгрөгийн 70 тооны адуу, дотоодын хадгаламждаа 439 мянган төгрөгтэй, 35 сая төгрөгийн үнэт эдлэлтэй