Сангийн сайд Б.Жавхлан цаг үеийн асуудлаар сэтгүүлчдийн асуултад хариуллаа.

       Тэрбээр төсвийн хэлэлцүүлгийг "Тэрэлж" зочид буудалд 50 сая төгрөгөөр хийсэн гэх мэдээлэлд "Энэ жил төсвийн хэлэлцүүлэг цагалбарын хувьд шинэ зохицуулалттай болж байгаа. Хуучин бол аравдугаар сарын 1-нд төсөв өргөн барьдаг байсан бол одоо сарын өмнө өргөн барьдаг болсон. Наймдугаар сарын хэлэлцүүлэг их давчуу болж өнгөрсөн. Есдүгээр сард мөн хэд хэдэн хэлэлцүүлэг хийсэн. Одоо харин төсвийн хэлэлцүүлгийг өргөн хүрээнд, дэлгэрэнгүй хийж байна. "Тэрэлж" зочид буудлыг хэлэлцүүлэг хийх тохиромжтой газрын нэг гэж ярилцсан. Тухайн хэлэлцүүлэгт дандаа УИХ, Засгийн газрын гишүүд оролцсон" гэх тайлбарыг өглөө.