"Монгол Улсын сайд, Хяналт, үнэлгээний Үндэсний хорооны дарга Э.Одбаярыг найман эмэгтэйн хамт Вьетнам Улсын Фукок аралд очиж, Төрийн байгууллагуудтай танилцаж, туршлага судлах нэрийдлээр зугаалсан" гэх асуудлыг МАН-ын гишүүн Г.Цогтгэрэл буюу "Шилэн" Цогоо цахим орчинд нийтэлсэн.

Энэ талаар Монгол Улсын сайд, Хяналт, үнэлгээний Үндэсний хорооны дарга Э.Одбаяр "Засгийн газрын хяналт хэрэгжүүлэх газар дотоод хяналтыг хэрэгжүүлэх зорилгоор нэг жил хагасын өмнө байгуулагдсан. Энэ байгууллагын үндсэн зорилго нь төрийн болон төрийн захиргааны байгууллагаас нутгийн захиргааны бүх байгууллага дээр санхүүгийн үйл ажиллагаанаас бусад хууль тогтоомжийн хэрэгжилтийг хангах зоилготой. Тухайн үед Вьетнам Улс руу явсан гэж байгаа хүмүүстэй уулзана. Үнэхээр зугаалах гэж явсан уу, туршлага судлах гэж явсан уу гэдгийг нь би асууна. Сошиал мэдээллээр дүгнэж, ажил шийдвэр явна гэж байхгүй. Үр дүнтэй байсан гэдэг дээр тайланг нь хуулийн хугацаанд тавина байх. Тавилга авсан гэдэг дээр би ганцаараа өрөөндөө юм аваад тавьчихсан юм биш. 150 хүнтэй байгууллагын үйл ажиллагааны асуудал" гэлээ.