УИХ-ын Төрийн байгуулалтын байнгын хорооны өнөөдрийн /2024.10.22/ хуралдаан үргэлжилж байна. Тус хуралдаанаар Монгол Улсын 2025 оны төсвийн тухай, Үндэсний баялгийн сангийн 2025 оны төсвийн тухай, Нийгмийн даатгалын сангийн 2025 оны төсвийн тухай, Эрүүл мэндийн даатгалын сангийн 2025 оны төсвийн тухай хуулийн төслүүдийн хоёр дахь удаагийн хэлэлцүүлгийг хийж санал, дүгнэлтээ Төсвийн байнгын хороонд хүргүүлэх юм.

Байнгын хорооны хуралдаанаар хэлэлцэж байгаа асуудалтай холбоотой гишүүд асуулт асууж, хариулт авсан юм. Энэ үеэр УИХ-ын дэд дарга Б.Пүрэвдорж "Энэ оны эхнээс эхлээд Mfjnay Их танхимд болсон хурал семнарыг 128 хүргээд алдсан юм. Жишээ нь "UG Arena"-д гуравхан арга хэмжээ зохион байгуулахад тэрбум төгрөгөөр зохион байгуулсан байгаа юм. Ховд аймгаас ирсэн нэг иргэн үнэтэй зочид буудалд орж, үнэтэй хоол иддэг ийм уулзалтанд жил гурван удаа ирж оролцсон гэж байсан. Сургалт, семинар зохион байгуулаад МАН хөгжүүлчихсэн нь хаана байна" гэлээ.