Улсын Их Хурлын гишүүн О.Саранчулууны хэлсэн үг олон нийтийн шүүмжлэлт өртөөд байна.

       Тодруулбал, тэрбээр Байнгын хорооны хуралдааны үеэр "Хөдөө орон нутгаас ирсэн оюутнууд нүхэн жорлонд бие засдаг байсан болохоор хотод ирээд ариун цэврийн өрөөгөө цэвэрхэн ашиглаж чаддаггүй, тийм дадал зуршил суугаагүй байдаг. Мөн цэцэрлэг, сургуулийн ариун цэврийн өрөөний саванг нь хэрхэн шийддэг вэ. Ихэнх тохиолдолд саван нь дууссан байдаг. Энэ бол дан ганц савангийн асуудал ярьж байгаа зүйл биш, гараа дутуу угаах нь халдварт өвчинд өртөх өндөр магадлалтай. Тиймээс эрүүл мэндийн зөв дадал зуршлыг бий болгохын тулд жорлон барихаас гадна орчин ахуйг нь сайтар хангах нь чухал" гэсэн байна.