Аймаг, нийслэл, сум, дүүргийн иргэдийн төлөөлөгчдийн хурлын ээлжит сонгуулийн санал авах өдөр өнөөдөр болж байна. Орон нутгийн сонгуулийн санал хураалт 07:00-20:00 цаг хүртэл үргэлжилнэ. Улсын хэмжээнд энэ удаагийн орон нутгийн сонгуульд 10 нам, нэг эвсэл болон бие даагч нар 8031 мандатын төлөө 17,278 нэр дэвшигч өрсөлдөж байна. Тодруулбал, 21 аймгийн 558 тойрог 751, сумдын 1642 тойрог 6922, нийслэлийн 12 тойрог 45, дүүргийн 181 тойрог 313 мандаттай юм. 

Тэгвэл өнөөдөр 15:15 цагийн байдлаар сонгуулийн ирц 35 хувьтай байна. Үүнээс сонгуулийн ирцээрээ Сүхбаатар аймаг тэргүүлж байгаа бол Улаанбаатар хотын ирц хамгийн бага байна. Харин дүүргээр нь авч үзвэл Багахангай дүүрэг хамгийн өдөр буюу нийт сонгогчдын 48 хувь нь саналаа өгсөн бол Сонгинохайрхан дүүргийн ирц хамгийн бага байна.