Эрчим хүчний үнэ ирэх сард 30 хувиар нэмэгдэнэ гэх мэдээлэл цахим орчинд түгээд буй. Харин энэ талаар Засгийн газраас "Эрчим хүчний үнийг 30 хувиар нэмэх талаар хэлэлцээгүй" хэмээн мэдэгдсэн. Тэгвэл энэ талаар бид Эрчим хүчний Төрийн нарийн бичгийн дарга Н.Тавинбэхтэй холбогдож тодруулахад "Эрчим хүчний үнийг 30, 50 хувиар нэмэгдэнэ гэдэг таамаг цахим орчинд явж байна. Энэ бол ташаа мэдээлэл. Эрчим хүчний үнийг нэмэх эсэх асуудлыг Эрчим хүчний зохицуудах хорооноос тодруулах боломжтой" хэмээн мэдэгдлээ.

Эрчим хүчний үйлдвэрлэлийн өртөг 2024 оны эхний хагас жилийн байдлаар 256 төгрөгт хүрээд байгаа юм.  Эрчим хүчний салбарын хөрөнгө оруулалт, үнэ тарифын шинэчлэл, мега төслүүд хариуцсан Дэд хорооны даргаар Шадар сайд Т.Доржхандыг томилсон. Тэрбээр "Эрчим хүчний үнийг нэмэх эсэх асуудлыг судалж байна. Арваннэгдүгээр сар гэхэд Үндэсний хороо шийдвэрээ танилцуулна" гэх тайлбар өгөөд байгаа юм.