ӨӨРИЙГӨӨ УРАМШУУЛЖ, УЛСЫН МӨНГӨ ИДДЭГ БАГАНУУРЫН ИТХ-ЫН ДАРГА Т.ОТГОНБОЛД

      Багануур, Багахангай гээд алслагдсан дүүргүүдийн удирдлагууд бусад дүүрэг, аймгуудын дарга нараас бага шүүмжлэлд өртдөг. Алслагдсан гэх нэрийдлээр хэн ч хэзээ ч хяналт тавьдаггүй гэх ойлголт иргэдийн дунд байдаг. Тиймээс дарга, удирдлагууд нь төсвийн мөнгөө өөрсдөө халаасалж, эрх мэдэл, албан тушаалын байдлаа урвуулан ашиглаж, бусдад давуу байдал олгохдоо дураараа аашилдаг гэх нь ч бий. Тухайлбал, Багануур дүүргийн ИТХ-ын дарга Т.Отгонболд өөрийгөө сайн ажилласан хэмээн урамшуулал олгож, өөртөө 1.9 сая төгрөгийн урамшуулал бодсон байсан гэх мэдээлэл олон нийтийн сүлжээгээр цацагдаж, олны бухимдлыг төрүүлж байлаа.Тэрбээр өдгөө "Шинэ Улаанбаатарын төлөө" уриатайгаар Багануур дүүргийн МАН-аас нэр дэвшиж буй. ИТХ-ын сонгуульд ялчих юм бол хүртээмжтэй хот, ногоон хот, орлоготой хот, аюулгүй хотыг бий болгоно гээд амлалт өгчихсөн яваа. Тэрбээр Завхан аймагт ерөнхий боловсролын сургуулиа төгсөж, “Улаанбаатар эрдэм оюу” дээд сургуулийг эдийн засагч мэргэжлээр төгссөн. Улмаар 2004 онд Монгол шуудан банкны эдийн засагч, эрхлэгч, 2008 онд Хөдөлмөр, хадгаламж үйлчилгээний хэлтсийн дарга, 2013 оноос Засаг даргын орлогч болж, 2020 оноос Багануур дүүргийн ИТХ-ын дарга болсон түүхтэй нэгэн. Мөн тэрбээр 2023 оны хөрөнгө, орлогын мэдүүлэгтээ 63 сая төгрөгийн орлоготой, 90 саяын орон сууцтай, 100 саяын машинтай, 30 саяын газартай, дөрвөн саяын үнэт эдлэлтэй, 81 сая төгрөгийн хадгаламжтай, 92 сая төгрөгийн зээлтэй хэмээн мэдүүлсэн байдаг. Түүнийг өөртөө хэнэг ч үгүй урамшуулал олгоод сууж байхад нь аймгийн Засаг дарга болоод ИТХ-ын төлөөлөгчид юу хийж суусан бэ. Улсын мөнгийг хувьдаа зарцуулж буй түүнийг өөгшүүлэн дэмжиж, өөртөө урамшуулал олгох эрхтэй мэтээр авирлаж, дараагийн урамшууллын мөнгийг горьдож суусан болж таарав уу гэдэг асуулт багануурчуудын дунд одоо ч хэвээр байна.

 ДӨРВӨН ОРОН СУУЦТАЙ, 50 САЯЫН ҮНЭТ ЭДЛЭЛТЭЙ С.ДАВААСҮРЭН