УИХ-ын ээлжит сонгуулийн өмнөөс Сүхбаатар аймгийн удирдлагуудыг АТГ-аас шалгаж эхэлсэн байдаг. Тодруулбал, Сүхбаатар аймгийн Засаг дарга М.Идэрбат, ИТХ-ын дарга Д.Хосбаяр, Газрын харилцаа, барилга, хот байгуулалтын газрын дарга Э.Төгөлдөр нарыг эрх мэдэл, албан тушаалын байдлаа урвуулан ашиглаж, бусдад давуу байдал олгосон, авлига авсан байж болзошгүй үндэслэлээр шалгаж байгаа. Тэднийг 30 хоног цагдан хорьж, өнгөрсөн тавдугаар сард сулласан байдаг.

            Сүхбаатар аймгийн Засаг дарга М.Идэрбат, ИТХ-ын дарга Д.Хосбаяр, Газрын харилцаа, барилга, хот байгуулалтын газрын дарга Э.Төгөлдөр нар УИХ-ын гишүүн Ж.Батсуурийн дүүд хууль бусаар газар олгосон, зориулалтыг нь өөрчилсөн гэх хэрэгт буруутгагдаад буй.

Энэ асуудлаар Сүхбаатар аймгийн Засаг дарга М.Идэрбатаас тодруулахад “Би аймгийн Засаг даргын ажлаа хийж байгаа. Намайг АТГ-аас шалгаж байгаа нь үнэн. Одоо ч шалгаж, байцаасаар байна. УИХ-ын гишүүний дүүд газар хууль бусаар олгосон зэрэг асуудлыг хууль хяналтын байгууллагынхан тайлбарлана биз. Надад өөр хэлэх зүйл алга” гэлээ.