Батлан хамгаалахын сайд асан Г.Сайханбаярыг ТЕГ-ын даргаар томилогдож магадгүй гэх бор шувуу нисэх болсон. Тэрбээр УИХ-ын ээлжит сонгуульд хангайн бүсээс нэр дэвшиж, өвдөг шороодсон билээ. Сонгуулийн сурталчилгааны үеэр түүний ухуулагчаар ажиллаж байсан эрэгтэй Өвөрхангай аймгийн Сант сумын АН-ын дарга Б-ийн аминд хүрсэн нь олон нийтийг цочролд оруулсан. Улмаар шинэ Засгийн газар бүрдэх үед сайдын суудлаасаа бууж, ажлаа хүлээлгэн өгсөн байдаг. Сонгуулиас хойш нам гүм байсан Г.Сайханбаяр сайд асан ТЕГ-ын даргаар томилогдох уу, өөр албан тушаалд очих уу гэдэг нь олны анхааралд байна.

Бид энэ асуудлаар сайд асан Г.Сайханбаяртай холбогдож тодруулахад “Намайг ТЕГ-ын даргаар томилоно гэх асуудлыг мэдэхгүй байна. Одоогоор надад албан тушаалд томилох асуудал яригдаагүй байна” гэлээ.