УИХ-ын гишүүн асан, хуульч О.Баасанхүү "МАН-ынхан ёс зүйгүй гишүүнээр сонгуулийн сурталчилгаа хийлгэж байна" агуулгатай мэдээлэл өөрийн цахим хаягтаа нийтэлсэн.

Энэ талаар бид хуульч О.Баасанхүүтэй холбогдож тодруулахад “Би өмнө нь УИХ-д яллагдагчаар татагдсан хүн олон бий гэж нийтэлж байсан. Парламентад суусан гишүүдийн бузар булхай хэрээс хэтэрсэн. Миний яриад байгаа ёс зүйн асуудал наад захын асуудал. "Хувь хүний нууцтай холбоотой энэ асуудлыг тоохгүй байя гэхэд эрүүгийн хэрэгт холбогдсон гишүүддээ хариуцлага тооцооч" гэсэн санаагаар үүнийг хэлээд байгаа юм. УИХ-д 15 “яллагдагч”, хоёр хүн амьны “хэрэгтэн” бий гэж би хэлээд байгаа. Гэтэл авилгын, улс төрийн хэрэг шийдэгддэггүй гээд шүүх засаглалыг буруутгаад байх юм. Шүүх дээр авилгын хэрэг очдоггүй, прокурор дээр л гацдаг шүү дээ. Хуучин 76 гишүүнтэй байхад тавыг нь гишүүний бүрэн эрхээс нь түдгэлзүүлэхээр парламетын үйл ажиллагааг явуулах боломжгүй болох эрсдэлтэй байсан. Одоо 126 болчихлоо. Тиймээс "Хэрэгт холбогдсон гишүүддээ хариуцлага тооц. Шүүх, цагдаагаар нь явуул" гэсэн санаагаар цахим орчинд бичсэн юм” гэлээ.