УИХ-ын намрын ээлжит чуулганы хуралдаан энэ сарын 1-нээс эхэлсэн. УИХ-ын чуулганы нэгдсэн хуралдаанаар хэлэлцэх асуудлын тов дарааллыг УИХ-ын даргын дэргэдэх зөвлөлөөс долоо хоног бүр батлан гаргадаг. Тэгвэл УИХ дахь МАН-ын бүлэг 2025 оны төсвийн төслийг хэлэлцүүлэх үеэр өнгөрсөн баасан гарагт тав хоногийн завсарлага авсантай холбоотой энэ пүрэв гарагт УИХ-ын чуулган хуралдахгүй юм байна. Түүнчлэн энэ долоон хоногийн баасан гарагт ИТХ-ын ээлжит сонгуулийн тов зарлагдсантай холбоотой бүх нийтийн амралтын өдөр болгон зарлаад буй. Иймд энэ долоо хоногт УИХ-ын чуулган хуралдахгүй юм байна.

Тэгвэл энэ долоо хоногт хуралдах ажлын хэсгүүд болон Эдийн засгийн байнгын хорооны хуралдааны тов гарчээ. Тодруулбал, 

• УИХ-ын даргын 2024 оны 76 дугаар захирамжаар байгуулагдсан Замын хөдөлгөөний аюулгүй байдлыг хангах зорилгоор мопед, механикжсан тээврийн хэрэгсэл, скүүтерын хэрэглээг зохицуулах талаар санал, дүгнэлт гаргах, холбогдох хуулийн төсөл боловсруулах үүрэг бүхий ажлын хэсгийн хуралдаан
• УИХ-ын даргын 2024 оны 85 дугаар захирамжаар байгуулагдсан Хот суурин газрыг орон сууцжуулахад ногоон санхүүжилтийн тогтолцоог бүрдүүлэх, холбогдох эрх зүйн орчныг сайжруулах чиглэлээр санал, дүгнэлт гаргах, холбогдох хуулийн төсөл боловсруулах үүрэг бүхий ажлын хэсгийн хуралдаан
• УИХ-ын даргын 2024 оны 100 дугаар захирамжаар байгуулагдсан Асрах үйлчилгээний эрх зүйн орчныг бүрдүүлэх чиглэлээр судалж, санал, дүгнэлт гаргах, шаардлагатай бол холбогдох хуулийн төсөл боловсруулах үүрэг бүхий ажлын хэсгийн хуралдаан
• Эдийн засгийн байнгын хороогоор Байнгын хорооны тогтоолын төсөл /Цаглавар батлах тухай/
•  Байнгын хорооны тогтоолын төсөл /“Монгол Улсын хөгжлийн 2025 оны төлөвлөгөө батлах тухай” Улсын Их Хурлын тогтоолын төслийг хэлэлцүүлэгт бэлтгэх үүрэг бүхий ажлын хэсэг байгуулах тухай/
• УИХ-ын даргын 2024 оны 42 дугаар захирамжаар байгуулагдсан “Хөдөө аж ахуйн үйлдвэрлэлийг дэмжих бодлогын хүрээнд Уламжлалт мал аж ахуйд тулгамдаж буй уур амьсгалын өөрчлөлтөөс шалтгаалсан сөрөг нөлөөллийг бууруулах тухай хууль, Улсын Их Хурлын 2021 оны 106 дугаар тогтоолоор баталсан “Шинэ сэргэлтийн бодлого”-ын 4.2, 4.4-т заасан зорилт, “Хүнсний хангамж, аюулгүй байдлыг хангах талаар авах зарим арга хэмжээний тухай” Улсын Их Хурлын 2022 оны 36 дугаар тогтоол, “Малын гаралтай түүхий эдийг боловсруулах үйлдвэрлэлийг дэмжих зарим арга хэмжээний тухай” Улсын Их Хурлын 2024 оны 63 дугаар тогтоолын хэрэгжилтийг эрчимжүүлэх, үр нөлөөг дээшлүүлэх, бодлого, арга зүйн дэмжлэг үзүүлэх, холбогдох арга хэмжээний санал болон хууль, эрх зүйн орчныг боловсронгуй болгох асуудлыг судалж, танилцуулах үүрэг бүхий ажлын хэсгийн хуралдаан
• “Монгол Улсын хөгжлийн 2025 оны төлөвлөгөө батлах тухай” Улсын Их Хурлын тогтоолын төслийг хэлэлцүүлэгт бэлтгэх үүрэг бүхий ажлын хэсгийн хуралдааныг товолсон байна.