Засгийн газрын хуралдаанаас гаргасан шийдвэрийг танилцуулж байна. Энэ үеэр Нийслэлийн Засаг дарга бөгөөд Улаанбаатар хотын захирагч Х.Нямбаатар мэдээлэл өглөө.

Тэрбээр “Сэлбэ дэд төвийн 12 мянган айлын орон сууцанд Чингэлтэй, Хайлааст, Сүхбаатар дүүргийн нутаг дэвсгэр таван буудал, Дарь-Эхийн замын баруун талын айл өрхүүдийг нүүлгэн шилжүүлэх батламжийг удахгүй гардуулна. Сэлбэ дэд төвд баригдсан 12 мянган айлын орон сууцанд 32-ын тойрог хүртэлх айл өрхүүд орж, газар чөлөөлөлтөөр 701 га газар нийслэлийн орон сууцны корпорацийн мэдэлд шилжинэ. 701 га газарт ойролцоогоор 50 мянган айлын орон сууц барьж, барилгын компаниудад уг газрыг арилжина. Орон сууцны ашигтай талбайгаас авсан 25-30 хувийг санал болгосон барилгын компаниудад уг газрыг хүлээлгэж өгнө.  Газрынхаа төлбөрт авсан барилгаар дараагийн газар чөлөөлөлтийг хийхээр байна. Дээрх газар чөлөөлөх ажил Радио, телевиз, Дэнжийн мянга, Ногоон нуур орчмын айл өрхүүдийг чөлөөлөх орон сууцны хороолол гэж ойлгож болно. Баянхошуу дэд төв дээр 160 га газрыг барилгажуулах төлөвлөгөөтэй. Үүний 60 газарт нь нийслэл гадаадын ногоон орон сууцны төслөөр зургаан мянган айлын орон сууц барихаар байгаа. Нийслэлийн орон сууцны корпораци эх үүсвэр босгож Ханийн материал орчимд 9.2 га газрыг чөлөөлөх ажил эхлүүлсэн. Ханийн материал, Баянхошуу орчимд найман мянган айлын орон сууц баригдана. Үлдсэн 100 га-д нь төлөвлөлт хийгдэж, дэд бүтэц, төлөвлөлт авто замын ажлуудыг барилгын компаниудад арилжина. Барилгын компаниуд 25-30 хувийг нийслэлд шилжүүлж, орон сууцны фондоороо толгойт, Их бага Нарангийнхнийг шилжүүлнэ. Мөн Шар хад дэд төвийг түшиглэсэн орон сууцны хороолол босгох төлөвлөлтийн ажил үргэлжилж байгаа. Гэр хороололынхныг орон сууцжуулах, авто замын түгжрэлийг бууруулах хуульд заасны дагуу 1008 айлтай хашаа байшинг нь орон сууцаар солих хэлэлцээр хийх эрх үүсч байгаа. Айлуудад батламж болон хэлэлцээр хийх саналуудаа хүргүүлнэ” гэлээ.