УИХ-ын намрын ээлжит чуулган нээлтээ хийлээ. Энэ үеэр УИХ-ын дарга Д.Амарбаясгалан “УИХ-ын гишүүний чиг үүргээ ухаарч, хариуцлагатай хандана гэсэн өндөр хүлээлт нийгэмд үүссэн байна. Энэхүү хүлээлтэд хүрч ажиллахыг зорихоос гадна улсын гадаад, дотоод бодлогыг тодорхойлох төрийн дээд байгууллын хувьд шинэлэг, үр нөлөөтэй ажиллах хэрэгцээ гарч байна. Өргөн мэдүүлсэн, баталсан хуулийн тоогоор тайлан тавьдаг өөрсгөл ойлголтоос салж, санаачилсан, батлуулсан хуулиудын нийгмийн амьдралын зохицуулахад гүйцэтгэсэн чанар бодлогын залгамж байдлыг хэрхэн хангасан болон дэвшилтэт оруулсан бодит хувь нэмэрийг дүгнэдэг арга барилд шилжих цаг болсон. Хууль гэдэг иргэдэд шахалт, дарамт биш амьдрал нь дээшлэхэд чиглэн тусалдаг байх учиртай. Эргэх холбоотой парламентийг төлөвшүүлэх хууль тогтоох ажиллагааг хөгжүүлж, хуулийг чанаржуулахад тууштай анхаарч ажиллана. Хүмүүнлэг иргэний ардчилсан нийгэм цогцлоон бүрдүүлж, ард түмний засаглах эрхийг хангах учиртай. Парламент бүрэн эрхийнхээ хугацаанд хүн төвтэй хууль буюу хүний эрхийг дээдэлсэн цаг үеийн шаардлагад нийцсэн хууль санаачилж, эрх зүйн зохицуулалт хийдэг байх шаардлагатай. Хуулийг тодорхой ойлгомжтой болгоно. Ингэснээр нийгэмд үүссэн авлига, хүний эрхийг зөрчсөн тэгш бус байдлыг халах болно” гэлээ.