Алтай Таван богд хайрхны тэнгэрийг тайх ёслол өнгөрсөн долоодугаар сарын 22-нд болж, Монгол Улсын Ерөнхийлөгч У.Хүрэлсүх оролцсон. Энэ үеэр Баян-Өлгий аймгийн Улаанхус сумын малчин Ч.Хэнзхүүгийн цагаан бор морийг сэтэрлэсэн.
Харин удалгүй уг морийг хулгайд алдсан гэх мэдээлэл цагдаагийн байгууллагад бүртгэгдсэн юм. Улмаар тухайн морийг Баян-Өлгий аймгийн иргэн хулгайлсан болохыг цагдаагийн байгууллагаас олж тогтоосон билээ. Тэгвэл тус хэргийг шүүх хурал энэ сарын 25-нд Баян-Өлгий аймаг дахь Сум дундын эрүүгийн хэргийн анхан шатны шүүхэд болжээ. Шүүхээс яллагдагч А-г Ерөнхийлөгчийн сэтэрлэж тавьсан морийг хулгайлсан гэмт хэрэг үйлдсэн гэм буруутайд тооцож, нэг жил зургаан сарын хугацаагаар зорчих эрхийг хязгаарлах ял оноосон байна.
| ЕРӨНХИЙЛӨГЧИЙН СЭТЭРЛЭСЭН МОРИЙГ ХУЛГАЙЛСАН ЭТГЭЭДЭД 1.6 ЖИЛИЙН ЗОРЧИХ ЭРХИЙГ ХЯЗГААРЛАХ ЯЛ ОНООЖЭЭ |
|
