Монгол Улсын Ерөнхийлөгч У.Хүрэлсүх НҮБ-ын Ерөнхий Ассамблейн 79 дүгээр чуулганы өмнө зохион байгуулж буй Ирээдүйн асуудлаарх дээд түвшний уулзалтад оролцож байна. Ерөнхийлөгч У.Хүрэлсүхийн тухайд олон улсын харилцааны тулгамдсан асуудлаар Монгол Улсын байр суурь, төр, засгаас хэрэгжүүлж буй гадаад бодлогын зорилт, тэргүүлэх чиглэлийг танилцуулж үг хэлнэ.
Мөн НҮБ-ын Ерөнхий нарийн бичгийн дарга Антониу Гутерриш болон гишүүн зарим улсын төр, засгийн тэргүүнтэй хоёр талын уулзалт хийж харилцаа, хамтын ажиллагааны асуудлаар санал солилцох юм.
Тэгвэл НҮБ-ын Ерөнхий Ассамблейн 79 дүгээр чуулганы үеэр Монгол Улсын Ерөнхийлөгч У.Хүрэлсүхийн төлөвлөсөн уулзалтуудыг НҮБ-ын байгууллагуудаас цуцалсан гэх мэдээлэл зарим хэвлэлээр гараад байна. Энэ талаар Ерөнхийлөгчийн Тамгын газрын хэвлэлийн албаны дарга Ө.Золбаяр "Монгол Улсын Ерөнхийлөгч НҮБ-ын Ерөнхий Ассамблейн 79 дүгээр чуулганд оролцож байна. Энэ үеэр төлөвлөсөн хоёр талын уулзалтууд амжилттай үргэлжилж байгаа бөгөөд цуцлагдсан уулзалт байхгүй болно" хэмээн мэдэгдлээ.
| Ө.ЗОЛБАЯР: Ерөнхийлөгчийн НҮБ-ын 79 дүгээр чуулганы уулзалтууд цуцлагдаагүй |
|
