НҮБ-ын Ерөнхий Ассамблейн 79-р чуулганд Ерөнхийлөгч У.Хүрэлсүх оролцож байгаа билээ. Тэгвэл тус уулзалт, айлчлалын үр дүнгийн талаар түүний зөвлөх Э.Одбаяраас сэтгүүлчид асуулт асууж, дараах хариултыг авлаа.

        -НҮБ дээр болж байгаа энэ удаагийн ирээдүйн төлөөх уулзалтад улс орнууд болон НҮБ-ээс манай улсад хандах хандлага ямар байна вэ?

      -Уулзалтын үеэр ОХУ-ын Ерөнхийлөгчийг Монгол Улс хүлээн авлаа гэдэг ч юм уу тухайн айлчлалын талаарх яриа өрнөхгүй байна. Харин ч түүнээс том зүйл болох  энхийн төлөө эв санаагаа нэгтгэх, хөгжлийн хөтөлбөрүүдээ хэрхэн хөгжүүлэх, тогтвортой хөгжлийн зорилгуудаа салбар бүрд нь хэрхэн хэрэгжүүлэх тухай хэлэлцэж байна. Үүнд дээр манай улсыг ямар нэгэн байдлаар шахалтад оруулж, үл итгэсэн байдал гарсангүй. Энэ жилийн Ерөнхий Ассамблейн уулзалтыг харж байхад манай улстай уулзах хүсэлт харин ч бусад улс орнуудаас ир ирж байна. Нөгөө талаар энхийн төлөөх уриагаа энэ жил бид дахин илэрхийлнэ. Монголчууд бид олон тулгуурт өөрийн гэсэн бие даасан гадаад бодлоготой улс. Энэ хүрээнд НҮБ-ын дүрмийг бид дээдлэн хэрэгжүүлнэ.