Монголын багш нарын үйлдвэрчний эвлэлийн холбооноос өнөөдөр мэдээлэл хийлээ.
Энэ талаар Монгол багш нарын үйлдвэрчний эвлэлийн холбооны дарга Д.Мөнхбаатар "Багш нарыг доромжилж, гутааж байгаа увайгүй ХҮН намын сайдад хариуцлага тооцуулмаар байна. Боловсролын салбарын багш, ажилчид хоолны мөнгө ч үгүй ажилладаг. Унааны мөнгө гэж сард 11 мянган төгрөг өгдөг. Энэ мөнгөөр хоёр удаа такси бариад дуусна шүү дээ. Ядаж өдрийн 2000 төгрөгөөр гэж тооцоод 44 мянган төгрөг болгомоор байна.
Яагаад боловсролын салбарт олигтой хөрөнгө оруулалт хийж болдоггүй юм бэ. Хувийн сургуулиудын төлөөлөл өөрсдөдөө ашигтай нөхцөл байдлыг бий болгох гээд улайрч байна. Багш нарын цалинг нэмэхийг бид шаардаж байна. Боловсролын сайдыг огцруулахгүй бол өндөг битгий хэл чулуу шиднэ. Бидний шаардлагыг хүлээж авахгүй бол ирэх даваа гарагт жагсаал зохион байгуулна. Суулт зарлана. Удахгүй болох багш нарын баяраараа ажил хаялт зарлана" гэлээ.
| Д.МӨНХБААТАР: Боловсролын сайдыг огцруулж, багш нарын цалинг нэмэхгүй бол багш ажил хаялт зарлана |
|
