УИХ-ын Төрийн байгуулалтын байнгын хороо Засгийн газрыг огцруулах асуудлыг хэлэлцэж байна. Энэ үеэр УИХ-ын гишүүн С.Амарсайхан Б.Пүрэвдорж гишүүнд хандаж үг хэллээ. Тэрбээр “Хэм хэмжээтэй бай, Б.Пүрэвдорж гишүүн ээ. Хүн хүнтэй хүндэтгэлтэй хандахгүй бол таныг хэн ч хүндлэхгүй шүү. Та чуулганы танхимд ч, гудамжинд ч хүн бүр рүү дайрч байдаг. Бид төрсөн биеэ биш, төр улсыг авч яваа улс шүү. Тань шиг ийм хүмүүс Монголын төрийг самарч, нийгмийг бузарлаж дууслаа. Сармагчин шиг байхаа боль. “Хамар дор хагархай” гэсэн шиг хүн бүр рүү дайрахаа боль. Түмнийг төлөөж байгаа хүн ийм байхаар бусад нь аргагүй. Энэ хариуцлага ганцхан Засгийн газраар зогсохгүй шүү. Дээд шатнаасаа эхлээд доод шат хүртлээ үргэлжилнэ. Ингэж байж ёс зүй, улс төр цэгцэрнэ” хэмээн бухимдав.