Нийслэлийн АН-аас НИТХ-ын сонгуульд нэр дэвшигчдийнхээ батламжийг хүлээн авсан. Энэ үеэр Сонгинохайрхан дүүрэгт Ардчилсан намаас нэр дэвшиж байсан. Д.Мөнх-Эрдэнийг нэр дэвшүүлэхгүй гэх асуудал үүсчээ. Энэ талаар Нийслэлийн Арчилсан намын дарга мэдээлэл өгөхдөө “Нэр дэвшигчид өчигдөр Сонгуулийн ерөнхий хорооноос тогтоолоос авах ёстой байсан. Нэр дэвшигчид есдүгээр сарын 5-нд бүх материалаа СЕХ-нд өгсөн. СЕХ-ноос нэр дэвшигчдийн материалыг шалгаж үзээд хуулийн хугацаандаа хүсэлт, материалаа өгсөн хүмүүс нэр дэвшигч болох уу, үгүй юү гэдэг тогтоолыг гаргах өгөх ёстой байсан. Одоог хүртэл хариугаа өгөөгүй нэр дэвшигчид хүлээлтийн байдалтай байна. Сүүлийн хэд хоног Нийслэлийн Засаг дарга бөгөөд Улаанбаатар хотын захирагч Х.Нямбаатар Ардчилсан намын нэр бүхий хүмүүс рүү дайрч, гүтгэн доромжилсон. Зарим нэр дэвшигчийг дэвшүүлэхгүй гэх мэдээлэл гарсан байна. Тухайхал, Д.Мөнх-Эрдэнэ, Ц.Эрдэмбилэг нарыг хуулийн хүрээнд нэр дэвших боломжгүй хэмээн үзсэн байна” гэв.