Өнгөрсөн долоо хоногийн Засгийн газрын хуралдаанаар ХХААХҮ-ийн яамыг Дархан-Уул аймаг руу нүүлгэн шилжүүлэх шийдвэр гарсан талаар ЗГХЭГ-ын дарга Н.Учрал мэдээлсэн билээ.

       Тэрбээр "Хөдөөгийн сэргэлтийн хүрээнд ХХААХҮ-ийн яамыг Төвийн бүс буюу газар тариалангийн бүс болох Дархан-Уул аймаг руу нүүлгэн шилжүүлэх шийдвэр гаргасан" хэмээн мэдэгдсэн. Тэгвэл өнөөдөр ХХААХҮ-ийн сайд Ж.Энхбаяраар ахлуулсан баг Дархан-Уул аймагт ажиллаж, яамын байр хүлээлцэх ажлыг зохион байгуулж байгаа юм байна. Тэрбээр энэ үеэр "ХХААХҮ-ийн яамыг Дархан-Уул аймаг руу нүүлгэн шилжүүлэхтэй холбоотой Төрийн өмчийн хорооныхонтой байр хүлээлцэх ажлыг хийж байна. Монгол Улсын хөдөө аж ахуйн салбарыг эрчимжүүлэх, хөгжүүлэх гол тулгуур нь Төвийн бүс юм" хэмээлээ.