Засгийн газрын ээлжит хуралдаанаар хэлэлцсэн асуудлын талаар ЗГХЭГ-ын дарга Н.Учрал мэдээлэл хийлээ. Тэрбээр "Засгийн газрын үйл ажиллагааны хөтөлбөрийг баталсантай холбоотой хэрэгжиж эхэлсэн. Засгийн газрын үйл ажиллагааны дөрвөн жилийн хөтөлбөрт багтсан энэ онд багтаан хэрэгжих төсөл хөтөлбөрүүдийг Ерөнхий сайд онцолж, сайд нарт үүрэг чиглэл өглөө. Энэ хүрээнд 14 төсөл, реформыг хэрэгжүүлэх даалгавар өгсөн. Мөн "Орано" группын хөрөнгө оруулалт цахилгаан станц барих зэрэг асуудлыг шат дараалан УИХ-д өргөн барихаар төлөвлөж байна. Энэ намрын чуулганаар "Орано майнинг" компанийн хөрөнгө оруулалтын гэрээг Их хуралд өргөн мэдүүлэхээр боллоо. Өнгөрсөн жилийн Ерөнхийлөгчийн Франц Улсад хийсэн айлчлалын үеэр проткалд гарын үсэг зурсан. Тухайн цаг үеэс хойш зургаан дэд ажлын хэсэг байгуулагдсан байсан. Өнөөдрийн Засгийн газрын хуралдааны үеэр байгаль орчны чиглэлээр эрсдлийн үнэлгээ гаргуулах, гадаадын хөрөнгө оруулагч тал дээр эрсдлийн хамтдаа хариуцлага хүлээлгэх гэдэг дээр үүрэг өгсөн. Гэрээний төслийн 51 хувьийг давуу эрхтэй эзэмшинэ гэдэг дээр харилцан ойлголцолд хүрсэн.  100 хувь Францын талаас санхүүжилтийг хариуцна. Харин өсөн нэмэгдэх АМНАТ дээр тохиролцсон. Ингэхдээ инфляц тооцно, тооцохгүй гэдэг дээр тохиролцож чадаагүй байгаа. Өчигдөр би Францын хөрөнгө оруулагч нартай уулзахдаа үүнийгээ шийдэх хэрэгтэй гэдгийг хатуу сануулсан.  Үүн дээр уян хатан байж чадна гэдгээ Франц тал илэрхийлж байгаа. Ингэж чадвал манайд ашигтай байна. Гэрээг 30 жилийн хугацаатай хийнэ. 20 жилд нь олборлолт хийж, 10 жил нөхөн сэргээлт хийнэ. Монгол Улс 10 хувийн давуу эрхийн хувьцаа эзэмших хөрөнгө оруулалтын чухал гэрээ юм. Энэ гэрээн дээр гаднын гурван компани зөвлөх үйлчилгээ үзүүлж байна. Зургаан дэд ажлын хэсэг дүгнэлтээ нэгтгээд аравдугаар сард хэлэцээрийг нэг тийш гаргана. Ерөнхий сайдын хувьд Оюутолгойн гэрээг давтахгүй байх байр суурийг илэрхийлсэн.

       Мөн Засгийн газрын хуралдаааны 14 мега төслөөс гадна 14 реформ хийхээр болсон. Үүний хүрээнд Төрийн албаны хуулийн шинэчилсэн найруулгыг өргөн мэдүүлэхээр санал авч эхэлсэн. Түүнчлэн Төрийн өмчит компаниудын засаглалыг сайжруулна. Төрийн болон Орон нутгийн компанийн хуулийг бүхэлд нь шинэчлэн найруулна. Татварын шинэчлэл хийж, цогц реформ хийнэ. Эрчим хүчний салбарт хийх шинэчлэлийн хүрээнд Т.Доржханд сайдаар ахлуулсан ажлын хэсэг байгуулсан. Төсвийн зардлын реформ хийнэ гэдгийг гурван нам мөрийн хөтөлбөртөө тусгасан. Үүнийг ажил хэрэг болгоно. Ашигт малтмалын хайгуулын лиценз олголтыг Засгийн газраас нэгдсэн байдлаар олгодог болно. Улмаар аймаг, нийслэл, орон нутгийн замбараагүй газар олголтыг цэгцэлнэ" гэлээ.