УИХ-ын гишүүн М.Нарантуяа-Нара Эх, хүүхдийн эрүүл мэндийн төвийн өрөө, тасгийн нөхцөл байдлын талаар байр сууриа илэрхийллээ.

   Тэрбээр "Эх, хүүхдийн эрүүл мэндийн төвд хүүхдээ эмнэлэгт нэг өдөр сахилаа. Барилга байгууламж, их засвараа харахаар хэдэн их наяд төгрөг зарцуулагддаг. Гэтэл Эх нялхасын амьсгалын замын халдварын тасгийн эх, хүүхэд хэвтэж байгаа өрөөнүүд нь бараг энгийн айлын ариун цэврийн өрөөнөөс бага хэмжээтэй байна. Бродюр дээрээ ярьдаг стандартаа эмнэлгүүд дээрээ тавиад өг л дөө. Эрүүл мэндийн сайд таныг эмнэлгүүдийн өрөө, тасалгааны стандарт дээр анхаарч, эхнэр, хүүхэд нь очсон мэт сэтгэл зүрхнээсээ ажиллаж өгөөсэй гэж хүсэж байна" гэв.