БНСУ-ын армийн эх сурвалжууд Хойд Солонгосын Расон боомтоор дамжин ОХУ руу зэр зэвсэг тээвэрлэсэн 13 мянган чингэлэг нэвтэрсэн талаар мэдээлжээ. Тодруулбал, БНСУ-ын Батлан хамгаалахын тагнуулын агентлаг Хойд Солонгос 2022 оны дунд үеэс буюу ОХУ, Украины дайн эхэлснээс хойш Москва руу зэр зэвсэг тээвэрлэсэн чингэлэг нийлүүлэх болсон тухай албан мэдэгдэл хийсэн байна. Албан мэдэгдлийн үеэр “Хойд Солонгос Украины дайныг урт хугацаанд үргэлжлүүлэхийн тулд ОХУ-ыг зэр зэвсгээр хангасан байж болзошгүй” тухай онцолсон бөгөөд Пёньяны Москва руу нийлүүлсэн 13 мянган чингэлэгт их бууны сум, тэсрэх бөмбөг байсан талаар мэдээлжээ.

Ташрамд дурдахад, ОХУ-ын Ерөнхийлөгч Владимир Путин,Хойд Солонгосын удирдагч Ким Жон Ун нар сүүлийн үед хамтын ажиллагаагаа сайжруулж буйгаа дэлхийд харуулсан. Владимир Путин, Ким Жон Ун нар Москва, Пёньян айлчлал хийж, хоёр орны хамтын ажиллагаагаа сайжруулах санамж бичиж байгуулж, хамтран ажиллахаар санал солилцсон байдаг. Харин олон улсад харилцан айлчлалаар харилцаагаа сайжруулж байгаа гэж харагдсан хоёр орны төрийн тэргүүнийг Украины дайн эхэлснээс хойш сайн харилцаатай байж, өдийг хүртэл нэгэндээ зэр зэвсэг нийлүүлж байсан талаар Солонгосын армийн албан тушаалтнууд ийн мэдэгдээд байгаа юм.