Улсын начин Ө.Батзул зам тээврийн осолд орж, амиа алдсан харамсалтай хэрэг гараад байна. Орхон аймгийн баяр наадам маргааш эхэлнэ. Нутгийн иргэдийн зүгээс “Улсын цолтой ганц бөх нь харамсалтайгаар хорвоог орхилоо. Ийм учраас баяр наадмаа хойшлуулах хэрэгтэй. Мөн бөхийн барилдааныг цуцалж, бай шагналыг нь талийгаачийн ар гэрт олгох нь зүйтэй” хэмээн цахим сүлжээнд давалгаалаад байгаа юм.

Тэгвэл бид энэ асуудлаар Орхон аймгийн Засаг дарга М.Түмэнжаргалтай холбогдож, тодрууллаа.

      -Орхон аймгийн баяр наадам товлосон хугацаандаа болох уу?

-Тийм ээ, наадам маргааш эхэлнэ. Аймгийн баяр наадмыг хойшлуулах болон цуцлах боломжгүй. Тийм шийдвэр гаргах боломжгүй шүү дээ. Наадамчин олон ирсэн байгаа.

-Ө.Батзул начин харамсалтайгаар амиа алдаад байна. Ийм учраас нутгийн иргэд наадам болох эсэх талаар тодруулж өгөхийг хүслээ?

         -Тийм ээ, маш харамсалтай осол боллоо. Бид итгэж чадахгүй, харамсаад л сууж байна. Гэхдээ баяр наадмын бэлтгэл хэвийн явагдаж, товлосон цагтаа болно.

-Орхон аймгийн хувьд орон нутгийн автозамаа засах ажлыг зохион байгуулж байгаа юу?

       -Мэдээлэл өгөхгүй.