Гурван ч яамны Төрийн нарийн бичгийн даргыг солих тохироо яригдаж байгаа гэх. Сайдын суудалд заларсан “эрхэм”-үүд өөрийн хүнээ ТНБД-аар томилох хүсэлтээ илэрхийлж, дэмжлэг авч байгаа талаар зарим хэвлэл мэдээлж эхлээд байна. Тодруулбал, БОАЖ, ХЗДХ-ийн сайд нар ТНБД-аа солих хүсэлтэй байгаа гэнэ.

БОАЖЯ-ны ТНБД-аар Э.Баттулгыг томилоод байна. Харин ХЗДХЯ-ны ТНБД-аар томилохоор ярьж байгаа Ч.Өнөрбаяр гэж хэн бэ гэдгийг танилцуулж байна.

         Хуульч Ч.Өнөрбаяр нь Шихихутуг, МУИС-ийн Хууль зүйн дээд сургуульд багшилж байсан төдийгүй ҮАБЗ, Ерөнхийлөгчийн Тамгын газар, Ерөнхийлөгчийн зөвлөх,  АТГ-ын Тамгын газрын даргаар ажиллаж байсан юм. Түүний боловсрол болон ажлын туршлагыг танилцуулъя. 

БОЛОВСРОЛ

1998-2002: Шихихутуг хууль зүйн сургуульд бакалаврын зэрэг

2002-2004: МУИС Хууль зүйн сургуульд магистрын зэрэг

2012-2014: Их Британи Умард Ирландын Нэгдсэн Вант Улсын Эдинбургийн Их сургуулийн Хууль зүйн сургуульд магистрын зэрэг

2014: МУИС Хууль зүйн сургуульд хууль зүйн ухааны докторын зэрэг

АЖЛЫН ТУРШЛАГА

2002-2003: Шихихутуг Хууль зүйн дээр сургуульд багш

2003-2020: МУИС-ийн Хууль зүйн сургуульд захирлын туслах, багш, ахлах багш, дэд профессор

2009-2011: Монгол Улсын Үндэсний аюулгүй байдлын зөвлөлийн Ажлын албаны ахлах референт, даргын үүрэг гүйцэтгэгч, дэд дарга

2009-2010: Нээлттэй нийгэм форумын бодлогын ахлах судлаач

2011-2012: Авлигатай тэмцэх газрын Тамгын хэлтсийн дарга, Эрхэлсэн комиссар

2012-2017: Монгол Улсын Ерөнхийлөгчийн Хуулийн бодлогын зөвлөх

2012: НҮБ-ын Авлигын эсрэг конвенцийн хэрэгжилтийг үнэлэх шинжээч

2012-2016: МУИС-ийн Удирдах зөвлөлийн гишүүн

2012-2013: Шүүхийн Ерөнхий зөвлөлийн гишүүн

2012-2013: НҮБ-ийн Авлигын эсрэг конвенцийн хэрэгжилтийг үнэлэх шинжээч

2014-2020: “Эрх зүйт ёс” сангийн үүсгэн байгуулагч, тэргүүн

2018-2019: Английн Оксфордын их сургуульд зочин судлаач

Тэрбээр мөн 2020, 2024 онд Ардчилсан намаас Хан-Уул, Чингэлтэй, Сүхбаатар дүүргээс УИХ-д нэр дэвшсэн ч ялагдал хүлээсэн билээ.