Тулгар төр байгуулагдсаны 2233 жил, Их Монгол Улс байгуулагдсаны 818 жил, үндэсний эрх чөлөө, тусгаар тогтнолоо сэргээн мандуулсны 113 жил, Ардын хувьсгалын 103 жилийн ойн үндэсний их баяр наадмын нээлт боллоо. Нээлтийг төрийн гурван өндөрлөг  сайд, гишүүд ирж үзлээ. Энэ үеэр УИХ-ын гишүүн Э.Болормаа "Наадмын нээлт сайхан боллоо. Мэдээж наадмын зохион байгуулалтын комисс олон хүний бүрэлдэхүүнтэй байдаг. Нээлтийн үйл ажиллагааны утга агуулга өндөр хэмжээний сайхан байлаа. Нийт монголчууддаа баяр наадмын мэнд хүргэе" гэв.