Тулгар төр байгуулагдсаны 2233 жил, Их Монгол Улс байгуулагдсаны 818 жил, үндэсний эрх чөлөө, тусгаар тогтнолоо сэргээн мандуулсны 113 жил, Ардын хувьсгалын 103 жилийн ойн үндэсний их баяр наадмын нээлтийн талаар УИХ-ын гишүүн Г.Лувсанжамц сэтгэгдлээ хуваалцлаа. Тэрбээр "Найман жилийн дараа анх удаа наадмын нээлт үзлээ. Цэнгэлдэх хүрээлэнд үзэж байгаа минь мөн анх удаа байлаа. Монголын түүх, сорёлыг үлэг гүрвэлийн өлгий нутгаас авахуулан харуулж байна. Талбай тайз гоё байна, уран бүтээлчдийн найруулга их гоё болсон байна. Уран нугараа, морьтон баатруудын төвөргөөнийг үзээд сэтгэл догдолж, зарим үед нь аньсага чийгтлээ" гэв.

       СЭТГҮҮЛЧ: Гадны олон жуулчид наадмын нээлт үзэхээр ирсэн байна шүү дээ?

        УИХ-ЫН ГИШҮҮН Г.ЛУВСАНЖАМЦ: Тийм ээ. Ерөнхийлөгч болон Гадаад харилцааны яамны ажлуудад сэтгэл өндөр байна. Энэ жилийн хувьд гадаад бодлого, гадаад харилцаа сайн байлаа. Олон гадны жуулчид, хүндтэй зочид ирлээ. Бутан эзэнт гүрний хаан, хатан хоёр хүрэлцэн ирлээ. Олон улсад их алдартай шүү дээ. Тэд монгол үндэсний баяр наадмын нээлтийг үзэж байгаа нь зөвхөн Бутан Улс төдийгүй олон орны мэдээллийн хэрэгслээр цацагдаж байгаа болов уу гэж бодож байна. Ирэх жил илүү ч олон жуулчин ирэх байх гэж найдаж байна.