УИХ-ын гишүүн О.Алтангэрэл цаг үеийн асуудлаар байр сууриа илэрхийллээ.

   Тэрбээр "Ардчилсан намаас хамтрахдаа өөрийн мөрийн хөтөлбөрт гарсан 9 зорилтоо яаж хэрэгжүүлэх юм гэдэгт голчлон ярья гэсэн. Эдгээрээс шударга ёс, авлигатай хэрхэн тэмцэх вэ гэх асуудал байгаа юм. Энэ асуудлынхаа дагуу Ардчилсан нам хийж хэрэгжүүлэх хөтөлбөрөө тавьсан. Харин АН-ын хөтөлбөрийг гэрээндээ тусгаж хийж хэрэгжүүлэх хэсэгт Ерөнхий сайд Үндсэн хуульд заасан бүрэн эрхийнхээ хүрээнд захирамж гаргаад Шударга ёс, хууль зүй дотоод хэргийн чиг үүргийг ямар хүнээр гүйцэтгүүлэх вэ, хэнийг сайдаар томилох вэ гэдгээ шийдэх ёстой. Тэгэхээр Ерөнхий сайд шийдвэр гаргасан. Олон улсын нэршилд шударга ёс гэж явдаг. УИХ-ын гишүүн С.Эрдэнэболд УИХ-ын чуулганаар Ерөнхий сайдыг томилогдож байхад санал болгосон нэр л дээ. Бид Хууль зүйн яамыг олон улсын нэршилд нь ойртуулья. Энэ бол хүний эрх, эрх чөлөөг хамгаалдаг, шударга ёс тогтоодог яам. Иймээс шударга ёсны нэршлийг та бодолцоорой" гэсний дагуу өөрчилсөн. Тэгээд Ерөнхий сайд, УИХ-ын даргад Засгийн газрын бүтэц бүрэлдэхүүнийг өргөн барихдаа ийм нэр томьёо хэрэглэн оруулж ирсэнд нь хуульч хүний хувьд, хүний эрхийн чиглэлээр олон жил дуугарч байгаа хүний хувьд баяртай байна. Засгийн газрын бүтэц томилогдсоны дараа сайдуудаа томилох эрх нь үүсдэг. Тэр үед асуудал яригдах байх. Хууль зүйн салбарт нэгдүгээрт хуулийн алагчлал, хоёрдугаарт авлига,  гуравдугаарт хүний эрхийн асуудад тулгамдаж байна" гэв.