Монгол Улсын хөгжлийн тулгамдсан асуудлыг хурдтай шийдвэрлэхийн төлөө хамтрах санамж бичигт МАН, АН, ХҮН нам гарын үсэг зурлаа.

                Энэ үеэр Ардчилсан намын дарга Л.Гантөмөр “Тулгамдаад байгаа асуудлуудыг шийдэхийн төлөө АН-ын үнэт зүйл, үзэл санааг Монголын ард түмэнд дэлгэрүүлэхийн тулд хамтарсан Засгийн газар байгуулах, парламентын түвшинд хамтарч ажиллах санамж бичгийг байгуулж байна.  АН бүх шатны байгууллагаараа ирэх дөрвөн жилд хэрэгжүүлэх ажлыг хамтарсан Засгийн газрын хүрээнд ажил хэрэг болгох зорилтуудыг дэмжиж бүх шийдвэрийг гаргасан. Өчигдөр АН-ын ҮБХ шийдвэрээ гаргасан. Энэ хүрээнд татварын дарамтыг бууруулах тал дээр хамтарч ажиллах зарчмын санал дээр нэгдсэн. Бизнесийн орчинг сайжруулахын тулд хамтарсан Засгийн газарт ажиллана” гэлээ.