Хамтарсан Засгийн газарт ажиллах АН, МАН, ХҮН намын удирдлагууд “санамж бичиг”-т гарын үсэг зурлаа. Энэ үеэр ХҮН намын дарга Т.Доржханд “Монголын улс төр шинэ хандлага, шинэ бүтэцтэй болж байна. 30 жилийн турш хоёр намын системтэй байсан. Үр дүнд нь хөгжлийнхөө боломжийг алдсан. Бид улсаа нэгдүгээрт тавьсан шийдвэр гаргаж байгаа. Шинэ Монгол Улсыг бий болгосон ирээдүйн 30 жилийг бүтээх учраас энэ шийдвэрийг гаргасан. ХҮН нам гал барих шаардлагатай бол гал барьж, дэмжлэг үзүүлнэ. Эрчим хүчний нийлүүлэлт байхгүй бол ямар ч бүтээн байгуулалт байхгүй. Метро ч байхгүй. Эрчим хүчний нийлүүлэлттэй болохын тулд хөрөнгө оруулалт хэрэгтэй. Улсын төсвөөс хэрэгжүүлэх боломж байхгүй. Эрчим хүчний реформ хийж, үнийг чөлөөлнө гэдэг маш том үйлдэл. Үүнийг АН, МАН чадаагүй юм. Өнгөрсөн хугацаанд тогтвортой байдлыг бий болгосон ч чадаагүй. Одоо УИХ-д суудалтай АН, ХҮН орж хамтдаа асуудлаа шийдье. ХҮН намынхан хүчээ өгөх болно. Шийдэгдэхгүй байгаа асуудлыг шийдэж, хөгжлийг хурдасгахад хамтарна” гэв.