УИХ-д сонгогдсон гишүүд СЕХ-ноос үнэмлэхээ гардаж авлаа. Энэ үеэр АН-аас жагсаалтаар нэр дэвшиж, УИХ-ын гишүүнээр сонгогдсон Б.Жаргалангаас дараах байр суурийг авлаа.

     Б.Жаргалан “Энэ удаагийн сонгуулийн тогтолцоог эмэгтэйчүүдэд аль болох нээлттэй байдлаар зохицуулахыг хичээсэн. Харамсалтай нь, эрх баригч намынхны тойрог томсгосон шийдвэр эмэгтэйчүүдийн хувьд маш хүнд даваа боллоо. Харьцангүй ээлтэй эрх зүйн харилцаа бий болсон гэж үзсэн боловч Их Хурлын 25 хувь нь л эмэгтэйчүүд байгаа нь хангалтгүй гэж үзэж байна. Томсгосон тойрогт эрх баригч намын төрийн нөөц, мөнгө, санхүү, хүний нөөцөөр далайлгаж ажилласан учраас эмэгтэйчүүд, залуучуудын хүч хомстлоо.Төр давамгайлсан эдийн засгийн тогтолцоо нь иргэдэд маш хүндээр тусаж байна. Эдийн засгийн өсөлт өрх айл болгонд орж чадахгүй байна гэдэг дүнгэлтэд хүрлээ. Цаашдаа эдийн засгийн хөгжлийг илүү бат бөх, нийгмийн бүх л түвшинд хүртээмжтэй байх тал дээр илүү бодлоготой ажиллана” гэлээ.