УИХ-ын 126 гишүүн гишүүнийхээ үнэмлэхийн өнөөдөр гардаж авсан. Энэ үеэр УИХ-ын гишүүн Б.Пүрэвдорж байр сууриа илэрхийллээ.

-Монгол ардын нам Ардчилсан намтай хамтарсан Засгийн газар байгуулах тухай ярилцаж байгаа гэсэн. Үүнд гишүүний хувьд ямар байр суурьтай байна вэ?

     -Бид ард түмнийхээ сонголтыг хүндэлж байгаа. Иргэд биднийг сайн сөрөг хүчин болно гэж найдаж, 42 суудал өгсөн. Тэгэхээр ард түмний сонголтыг бид хүндэтгэх хэрэгтэй. Одоогийн байдлаар хамтарсан Засгийн газар байгуулах тухай ярих нь арай эрт байна. Яагаад гэвэл, бид өнгөрсөн сонгуулийн үр дүн, алдаа оноогоо дүгнэж ярилцах ёстой. Түүний дараа Үндэсний Бодлогын Хорооны хурлаа хуралдуулж дүгнээд, хамтарсан Засгийн газарт орох эсэх  асуудлаа ярина.

    Үүнээс гадна, том бүтээн байгуулалт, улс эх орны эрх ашгийн тал дээр бид хамтран ажиллаж байсан. Тиймээс эрх баригч, сөрөг хүчин гэлтгүй хамтдаа шийдвэр гаргаж чадна.Өнгөрсөн найман жилийн турш гишүүд хулгай хийлээ. Хулгайн асуудлыг хяналтад оруулж, сөрөг хүчнийхээ үүргийг гүйцэтгэх ёстой.

 -Ардчилсан намд тань шиг байр суурьтай гишүүн хэр олон байна вэ?

    -Гишүүдийн олонх нь дээрх байр суурьтай байгаа.

Б.СУВДАНЦЭЦЭГ