Сэтгүүлч Н.Өнөрцэцэгий Нийслэлийн прокурорын газраас нэр бүхий зургаан иргэний болон шүүхийн нэр хүндэд халдсан илт худал мэдээллийг олон нийтэд тараасан, их хэмжээний татвар төлөхөөс зайлсхийсэн, мөнгө угаасан, төрийн нууцад хамаарах баримтыг хадгалсан гэх хэрэгт шалгаж байгаа. Тодруулбал, өнгөрөгч зургадугаар сарын 4-ний өдөр түүнд холбогдох хэргийн гэм буруугийн шүүх хуралдаан Сүхбаатар дүүргийн Эрүүгийн хэргийн анхан шатны шүүхэд болсон ба шүүх хурлыг долоодугаар сарын 1 хүртэл хойшлуулсан юм.

    Мөн өнөөдөр түүний шүүх хурал болох байсан ч энэ сарын 18 хүртэл хойшилсон байна. Тэрбээр “Намайг энэ удаад гэрээс гарахыг зөвшөөрсөн. Гэхдээ Хан-Уул дүүргийн 18 дугаар хорооны нутаг дэвсгэрээс гарч болохгүй гэсэн. Үүнд би талархахгүй. Асуудлыг олон нийтийн өмнө ил тод шүүгээд өг. Би маш их ядарч байна. Долоон сарын турш эрх чөлөөгүй байгаад харамсаж байна” гэв.