Төв аймгийн Эрдэнэ сумын нутаг Чулуут багийн Хэрхлүүр нуур гэх газар зургадугаар сарын 28-ны 16:00 цагийн орчим морин аялал хийж явсан 40 жуулчин амарчээ. Тухайн үед тэдний морин хөтөч хийж явсан хүүхэд сураггүй алга болсон тухай дуудлага тухайн өдрийн 22:30 цагт Онцгой байдлын газар иржээ. 

Тус аймгийн Онцгой байдлын газрын Эрдэнэ сум дахь Эрэн хайх, аврах бүлгийн алба хаагчид Цагдаагийн тасгийн алба хаагч, ар гэрийн хүмүүстэй хамтран зургаан сарын 29-ний 00:53 цагт сумаас гарч, 100 км зам туулан 19:53 цагт очиж, 15 настай, эрэгтэйг эрэн хайх ажиллагааг зохион байгуулж, мөн өдрийн 22:30 цагт цогцсыг нь Хэрхлүүр нуурын эргээс дөрвөн метрт, усны гүнд байгааг олж, тогтоон цогцсыг тус аймгийн сумын Цагдаагийн тасагт шилжүүлэн өгсөн байна.