УИХ-ыг ээлжит сонгуулийн нэгпсэн дүн мэдээ урьдчилсан байдлаар гарсан. Тэгвэл Сонгуулийн тухай хуулиар автоматжуулсан саналын нэгдсэн дүнг 100 хувь гараар тоолж, хяналтын тооллого явуулсны дараа сонгуульд ялалт байгуулсан нам, эсвэл, нэр дэвшигчдийг Сонгуулийн ерөнхий хороо батламжлах эрх зүйн зохицуулалттай.  Тэгвэл Сонгуулийн ерөнхий хороо өнөөдөр хуралдаж, гар тооллогын нэгдсэн дүн мэдээг танилцуулах юм байна. Энэ талаах Сонгуулийн ерөнхий хорооноос "Гар тооллого дууссаны СЕХ хуралдаанаа хийж, хамгийн их санал авсан нэр дэвшигчдийг УИХ-ын гишүүнээр сонгогдсонд тооцох шийдвэр гаргана" хэмээн мэдээллээд буй.

Сонгуулийн ерөнхий хорооны хуралдаанаар санал хураалтын дүнг нэгтгэн сонгуулийн дүнг гаргаж, тойрогтоо хамгийн олон санал авсан нэр дэвшигчийг УИХ-ын гишүүнээр сонгогдсонд тооцсон тухай тогтоолын өнөөдөр танилцуулах юм байна. Улмаар 2024 оны ээлжит сонгуулийн дүн болон Монгол Улсын Их Хурлын гишүүнээр сонгогдсонд тооцсон тухай шийдвэрийг Монгол Улсын Ерөнхийлөгч болон УИХ-д өргөн барих юм.