УИХ-ын сонгууль өчигдөр болж, саналын хуудсыг гараар тоолох ажил үргэлжилж байгаа. Монгол Улсын хэмжээнд УИХ-ын ээлжит сонгууль амжилттай болж өнгөрлөө. Энэ удаагийн сонгуульд нийт 21 нам эвсэл, 1341 нэр дэвшигч өрсөлдөж, Монгол Улсын  1.448.300 иргэн оролцож 69.3 хувь нь саналаа өглөө.

    Урьчилсан байдлаар МАН-ын 18, АН-ын 16, ХҮН намын зургаа, Үндэсний эвсэл дөрөв, Иргэний зориг ногоон намын дөрвөн хүн УИХ-ын гишүүн болно. Ингэхээр МАН 68, АН 42, ХҮН найм, Иргэний зориг ногоон нам дөрөв, Үндэсний эвсэл дөрвөн хүний суудалтайгаар шинэ парламентийг бүрдүүлнэ. Өөрөөр хэлбэл, МАН 68 хүний суудалтай бол бусад нам эвсэл нийлээд 58 хүний суудалтай болж байгаа юм.