“Үндэсний эвсэл”-ийн тэргүүн Н.Номтойбаяр УИХ-ын ээлжит сонгуулийн санал хураалтын талаар мэдээлэл хийлээ.

           Тэрбээр “УИХ-ын сонгууль дууслаа. “Үндэсний эвсэл”-ийн дэвшигчдийг дэмжсэн бүх сонгогчдодоо баярлалаа. Амаргүй сонгууль байлаа.  СЕХ өөрөө хууль зөрчиж, биднийг төлөвлөснийхөө дагуу ажиллах боломжийг олгосонгүй. Хамгийн сүүлийн нэр дэвшигч маань сонгуулийн санал хураалт дуусахаас 36 цагийн өмнө батламжаа авсан. Хууль хяналтын бүх талаар хяналт шалгалт хийлээ.  Хар машин буюу сүлжээний тооллогын программд хөндлөнгийн аудит хийх цаг нь болсон. “Үндэсний эвсэл”-ийн ирэх саналыг саармагжуулах олон үйл ажиллагаа явагдсан. Бид цөөн суудалтай ч зорилгынхоо ард гарахын төлөө ажиллана. Монголын төрд хяналт тавих цаг нь болсон. Үүнийг Нямтайширын Номтойбаяр миний бие хийх болно” гэлээ.