Ардчилсан намаас сонгуулийн үеийн явц, зөрчилтэй холбоотой мэдээлэл хийлээ.

               Энэ үеэр тус намын хуульч Б.Батхуяг "Өнөөдрийн байдлаар  50 орчим сая төгрөгөөр төрийн албан хаагч торгуулсан мэдээлэл бидэнд ирсэн. Чингэлтэй дүүргийн санал авах байруудад  санал авах эрхийг зөрчсөн асуудал ч их гарч байна. Тухайлбал Дорнод аймгийн Баян-Уул сумын тавдугаар багийн нэгэн иргэн зөөврийн саналын хайрцгаас гарсан хүчингүй саналыг шинэ саналын хуудсаар бөглөөд МАН-ыг дугуйлсан үйлдэл гарсныг цагдаагийн байгууллага шалгаж байна. Мөн санал авах байранд саналын төхөөрөмжийн лац хөндсөн 10 орчим үйлдэл, саналын төхөөрөмж гацсан, санал өгч буй иргэдийн саналын хуудасны зургийг авах зөрчил илэрсэн байна" гэв.